وسكەمەن قالاسىنىڭ 19-شى شاعىن اۋدانىنداعى مەملەكەتتىك باعدارلامامەن كوپقاباتتى ۇيلەر سالىناتىن جەر تەلىمدەرى ءبىراز ۋاقىت كولەمىندە زاڭسىز ساتىلعان. بۇل تۋرالى وبلىس اكىمى دانيال احمەتوۆ حابارلادى.
جەر تەلىمدەرىنىڭ زاڭسىز ساتىلعاندىعى شاعىن اۋداندا سالىنىپ جاتقان تۇرعىن ۇيلەردىڭ جوباسىمەن، جاي-جاپسارىمەن ايماق باسشىسى تانىسۋعا بارعاندا انىقتالدى. شاعىن اۋدانداعى تاۋ ەتەگىنە سالىنعان تۇرعىن ۇيلەر ساپاسى دا سىن كوتەرمەيدى. ءمالىم بولعانداي، ىقشام اۋداننىڭ ميللياردتاعان قارجى جۇمسالىپ ينفراقۇرىلىمى تارتىلعان جەر تەلىمدەرى جەكە كاسىپكەرلەر قولىنا وتكەن. قاتارىندا الەۋمەتتىك نىسانداردى سالۋعا ارنالعان ۋچاسكىلەر، جالدامالى تۇرعىن ۇيلەر سالىنادى دەپ جوسپارلانعان جەر تەلىمدەرى دە بولعان.
زاڭسىز ارەكەتتەر انىقتالعاننان كەيىن دانيال احمەتوۆ: «بۇعان جاۋاپتىلاردى تابۋ كەرەك. جەر تەلىمدەرى قاي قالا اكىمى كەزىندە ساتىلىپ كەتكەندىگىن انىقتاۋىمىز قاجەت. ودان كەيىن، شاعىن اۋداننىڭ جوباسىن جاساعان ينستيتۋتتار دا تەكسەرىلۋى ءتيىس»، – دەپ ماسەلەنى رەتتەۋگە بۇيرىق بەردى. ازىرگە، ينفراقۇرىلىم قارجىسىنان پايدا كورىپ، زاڭسىزدىققا بارعاندار انىقتالعان جوق.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى