امەريكا قۇراما شتاتتارىنىڭ ورتالىق-باتىس وڭىرىندە تورنادو (قارا قۇيىن) بولىپ، جۇزدەگەن ءۇيدى قيراتقان. ازىرگە دەيىن ءۇش ادامنىڭ قازا بولعانى انىقتالعان. قولايسىز اۋا رايىنىڭ الداعى باعىتى ەلدىڭ شىعىسى. اقش اۋا رايى ماماندارى قارا قۇيىننىڭ جولىنداعى 9 ملن 500 مىڭ ادامدى قاۋىپتە قالعانىن مالىمدەگەن. بۇل تۋرالى Chinanews.com حابارلاپ وتىر.
اپاتقا ۇشىراعان ۇيلەر. فوتو: The Mercury News
اقش اۋار رايىن بولجاۋ ورتالىعىنىڭ ايتۋىنا قاراعاندا، بۇل رەتكى تورنادو (قازاقشا بالاماسى قارا قۇيىن) اتلانتيكانىڭ ورتالىعىنان ويىسقان اۋا اعىسى مەن جاڭا انگليانىڭ وڭتۇستىگىنەن اعىلعان اۋانىڭ اسەرىنەن پايدا بولعان. ادەتتە اۋا رايىنىڭ مۇنداي قولايسىزدىعى ناۋرىز ايىنىڭ سوڭى مەن ءساۋىردىڭ باسىندا تۋىلادى ەكەن. وسى رەتكى قارا قۇيىن بولجاۋشىلاردىڭ كورسەتكەن ۋاقىتىنان بۇرىن تۋىلىپ وتىر.
تۇيەنى جەل شايقاسا، ەشكىنى اسپاننان كورەسىڭ. فوتو: The Mercury News
28 اقپان كۇنى اتلانتيكادان كوتەرىلگەن قارا قۇيىن، 1 ناۋرىز كۇنى اقش-قا جەتكەنشە، بەس ەلدە 26 رەتكى قارا قۇيىن تۋدىرعان. ساعاتتىق قارقىنى 280 شاقىرىمدىق جىلدامدىقپەن شەڭبەر جاسا اينالعان الىپ قۇيىن، قالىڭ جاڭبىر مەن بۇرشاققا ورانعان كۇيىندە ەلدىڭ شىعىسىنا قاراي باعىت الۋدا. قازىر شىعىس شتاتتار ساقتىق شاراسىنا كىرىسىپ كەتتى.
قۇيىن كەتكەنمەن ەلدەن ۇرەي كەتپەگەن شاق. فوتو: The-Mercury-News
تاياق دوپتىڭ ۇلكەندىگىندەي بۇرشاق. فوتو: The-Mercury-News
باسپاناسىز قالعان قىز بەن اناسى، فوتو: The Mercury News
“The Qazaq Times”
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى