ترامپ قويعان ۆەتو كونگرەسس شەشىمىنەن باسىم ءتۇستى

اقش كونگرەسى يەمەندەگى سوعىستا ساۋد ارابياسى باستاعان كواليتسياعا اسكەري قولداۋ كورسەتۋ شەشىمىن اقىرى تۇراقتاندىردى. ەكى اپتا بۇرىن اسكەري كومەكتى توقتاتۋ تۋرالى كونگرەسس شەشىمىنە پرەزيدەنت تارابىنان ۆەتو قويعان بولاتىن.

France اقپاراتتىق اگەنتتىگىنىڭ حابارىنا قاراعاندا،  بءىر كۇن بۇرىن كونگرەسس وكىلدەرى پرەزيدەنتتىڭ ۆەتوسىن قابىلداۋ نەمەسە قابىلداماۋ تۋرالى داۋىس بەردى. پرەزيدەنت ۆەتوسىن قابىلداماۋ ءۇشىن كونگرەسس وكىلدەرىنىڭ ۇشتەن ەكىسى، ياعني 67 داۋىس بەرۋى كەرەك بولعان. الايدا، ترامپتىڭ ۆەتوسىنا قارسى 53 داۋىس بەرىلدى. ناتيجەسىندە، كونگرەسس شەشىمىنە قارسى پرەزيدەنت قويعان  ۆەتو ءوز كۇشىندە قالدى.

يەمەندەگى سوعىستا ساۋد ارابياسى باستاعان كواليتسياعا اسكەري كومەك بەرۋدى توقتاتۋ ماسەلەسى سەناتتا ناۋرىز ايىندا تالقىعا سالىنعان. وندا 46-عا قارسى 54 سەناتور ماقۇلداعان ەدى. ال، ءساۋىر ايىنىڭ ورتا شەنىندە وكىلدەر پالاتاسىندا تالقىلانىپ، 115 وكىل قارسى داۋىس بەرىپ، 247 وكىلدىڭ ماقۇلداۋىمەن شەشىم قابىلدانعان. الايدا، اقش پرەزيدەنتى ءوز قۇقىعىنا ساي كونگرەسس شەشىمىنە ۆەتو قويعان.

ساۋد ارابياسى باستاعان كواليتسيا يەمەنگە كىرگەننەن بەرى اقش تارابىنان اسكەري قولداۋ تاۋىپ كەلەدى. قارۋ-جاراق ساتىپ بەرۋدەن تىس لوگيستيكالىق جانە اقپاراتتىق قولداۋ كورسەتىپ كەلەدى.

“The Qazaq Times”