بيجان نامدار زانگەنا (وڭدا) مەەۇ باس حاتشىسى مۇحاممەد سانۋسي باركيندومەن كەزدەسى. فوتو: IRNA.

يران مۇناي ءىسى جونىندەگى مينيسترلىگى مالىمدەمە جاساپ، يراننىڭ مۇناي ەكسپورتتاۋشى ەلدەر ۇيىمىنا ءوز مۇددەسى ءۇشىن مۇشە ەكەنىن، ەگەر ۇيىم مۇشەلەرى يران مۇددەسىنە قارسى ارەكەتتەرگە بارسا تەھران قاتاڭ جاۋاپ قايتاراتىنىن ەسكەرتتى. بۇل تۋرالى سول ەلدىڭ IRNA اقپاراتتىق اگەنتتىگى حابارلادى.

يران مۇناي ءمينيسترى بيجان نامدار زانگەنا اتالعان مالىمدەمەسىن بەيسەنبى كۇنى ەلدىڭ ورتالىق قالاسىندا مەەۇ باس حاتشىسى مۇحاممەد سانۋسي باركيندومەن كەزدەسۋ كەزىندە جاساعان. ول سوزىندە: «مەەۇ كەيبىر مۇشەلەرىنىڭ بىرجاقتى ارەكەتتەرىنەن زارداپ شەگىپ وتىر. بۇلاي جالعاسا بەرسە مۇناي ەكسپورتتاۋشى ەلدەر ۇيىمى تاراپ كەتۋى مۇمكىن. مەەۇ مۇشەلەرى يرانعا قىسىم جاساپ، ونىڭ مۇددەلەرىن قاتەرگە يتەرمەلەسە، بۇل تەھران تارابىنان جاۋاپسىز قالمايدى»، – دەگەن.

اتالعان ۇيىمنىڭ باس حاتشىسى يران ساپارىندا بىرقاتار رەسمي كەزدەسۋلەر وتكىزگەن. ول قازىرگى جاعدايدا يران مۇنايىن الەمدىك نارىقتان الىپ تاستاۋدىڭ مۇمكىن ەمەس ەكەنىن دە ەسكەرتكەن. يراننىڭ مۇناي ەكسپورتتاۋشى ەلدەردىڭ قاۋىمداستىعىمەن جاساپ وتىرعان كەيبىر قادامدارى اقش-تىڭ سوڭعى سانكتسيا شەشىمدەرىنە بايلانىستى ەكەنى انىق.

“The Qazaq Times”