فوتو: https://www.bestnews.kz

قر اقپارات جانە قوعامدىق دامۋ ءمينيسترى داۋرەن اباەۆ 1 مامىردا قازاقستان قالالارىندا وتكەن ميتينگىلەرگە قاتىستى پىكىر ءبىلدىردى.

د.اباەۆ سوزىندە: «قازىرگى ۋاقىتتا ازاماتتاردىڭ مۇنداي شارالار ۇيىمداستىرۋعا رۇقسات سۇراپ، ونى زاڭ اياسىندا وتكىزۋىنە ەشقانداي كەدەرگى جوق. دەيستۆيتەلنو، ازاماتتاردىڭ ميتينگتەرى ءوتتى. ونىڭ ءبارى رۇقسات ەتىلمەگەن ميتينگتەر بولدى. بىراق سوعان قاراماستان ول شارالارعا قاتىسۋشىلار وزدەرىنىڭ قوعامدىق پىكىرى مەن الەۋمەتتىك ماسەلەلەرگە قاتىستى ويلارىن ەركىن ايتتى»، – دەيدى.

سونداي-اق، شەرۋگە شىققان بىرنەشە تۇرعىنداردىڭ قامالۋىنا قاتىستى اباەۆ: «تىم اشۋلى جەكەلەگەن تۇلعالار شەكتەن شىعا باستاعان سوڭ، ولار ۇستالدى. بىراق ۇستالماس بۇرىن ولارعا بىرنەشە رەت ەسكەرتۋ جاسالدى»، – دەپ قىسقا قايىردى.

ەسكە سالا كەتەيىك، 1 مامىردا قازاقستاننىڭ بىرنەشە قالالارىندا بيلىككە قارسى شەرۋلەر ءوتتى. نارازى توپ سايلاۋدىڭ ءادىل ءوتۋىن، اەس قۇرىلىسىنىڭ جۇزەگە اسپاۋىن تالاپ ەتتى. كەيىننەن ىشكى ىستەر مينيسترلىگى ميتينگ وتكەن قالالاردا بىرنەشە ازاماتتىڭ ۇستالعاندىعىن حابارلادى.

"The Qazaq Times"