يران اقش تاراپىنان سالىنعان سانكتسيالارعا جاۋاپ رەتىندە جاپپاي قىرىپ-جوياتىن قارۋدى تاراتپاۋ ۇيىمىنان شىعۋ مۇمكىندىگىن قاراستىرا باستادى. بۇل تۋرالى يراننىڭ سىرتقى ىستەر ءمينيسترى دجاۆاد زاريف جەكسەنبى كۇنى مالىمدەدى.

ونىڭ ايتۋىنشا، تەھران قۇراما شتاتتاردىڭ ارەكەتىنە جاۋاپ قاتۋدىڭ بىرنەشە نۇسقاسىن قاراستىرعان، كەلىسىمنەن شىعۋ - سول نۇسقالاردىڭ بىرىنە جاتادى.

اقش ءساۋىر ايىندا سانكتسيا تىزىمىنە يران قارۋلى كۇشتەرىنىڭ مارتەبەلى ءبولىمى – «يسلام رەۆوليۋتسياسىن قورعاۋشىلار كورپۋسىن» دا قوستى. ۋاشينگتون بۇل ءبولىمدى تەرروريستىك ارەكەتتەردى قولدادى دەپ ايىپتادى. بۇعان قوسا اقش مامىر ايىنان باستاپ يران مۇنايىن الۋعا بىرقاتار ەلدەرگە بەرگەن جەڭىلدىكتەرىنىڭ كۇشىن جوياتىنىن جانە يراننان مۇناي ساتىپ العان كەز كەلگەن ەلگە سانكتسيا سالاتىنىن قاتاڭ ەسكەرتتى.

اقش پرەزيدەنتى دونالد ترامپ بۇنىڭ الدىندا يرانمەن اراداعى "يادرولىق كەلىسىمنەن" شىعاتىنىن مالىمدەدى. ۋاشينگتون «تەھران كەلىسىم شارتتاردى بۇزۋ ارقىلى تاياۋ شىعىستاعى جاعدايلاردى تۇراقسىزداندىرۋدا» - دەپ ايىپتادى. ەۋرووداق، رەسەي جانە قىتاي اقش-تىڭ بۇل ارەكەتىن قۇپتامادى.

"The Qazaq Times"