اراب ەلدەرى اقش-تىڭ بەيبىتشىلىك جوباسىن قابىلدامادى

مىسىردىڭ ورتالىق قالاسى كايردە باس قوسقان اراب ەلدەرىنىڭ سىرتقى ىستەر مينيسترلەرى ورتاق دەكلاراتسيا ارقىلى قۇراما شتاتتىڭ پالەستينا بەيبىتشىلىك جوباسىن قابىلدامايتىنىن ءبىلدىردى. اراب ەلدەرى ءسىم باسشىلارى اتالعان جوبا پالەستينانىڭ قۇقىعىنا قايشى دەپ تاپقان.

كايردا اراب ليگاسىنىڭ ءسىم باسشىلارى وتىرىسىنا پالەستينا مەملەكەت باسشىسى ماحمۋد ابباس تا قاتىسقان. جينالىستا قابىلداعان ورتاق دەكلاراتسيادا «پالەستينا حالقىنىڭ قۇقىعىن قايتارىپ بەرمەي، تاياۋ-شىعىستا تولىق ءارى باياندى بەيبىتشىلىك ورنامايدى»، – دەلىنگەن. سونداي-اق، 1967 جىلعى 4 ماۋسىمداعى شەكارانىڭ ساقتالۋىن، يەرۋساليمدى ورتالىق ەتكەن دەربەس پالەستينانىڭ قۇرىلۋىن قولداعان.  يزرايل ۇكىمەتىنەن باسىپ العان تەرريتوريالارعا ەلدى مەكەن سالۋدى توقتاتۋدى، پالەستينالىق بوسقىنداردى بوساتۋدى تالاپ ەتكەن.

اراب ەلدەرى ءسىم باسشىلارى پالەستيناداعى توپتاردى ۇلتتىق بىرلىكتى قالىپتاستىرۋعا، ۇكىمەتتىڭ جاۋاپكەرشىلىگىن ءوز مويىندارىنا الۋعا، تەز ارادا سايلاۋ وتكىزۋگە شاقىرعان.

بۇعان دەيىن، تاياۋ شىعىستا بەيبىتشىلىك ورناتۋدا اقش ۇسىنعان ۇلگى بۇعان دەيىن پرەزيدەنت ترامپ پەن يزرايل پرەمەرى نەتانياحۋ اراسىندا تالقىلانعان دەگەن مالىمەتتەر تاراعان.

“The Qazaq Times”