ترامپ پرەزيدەنتتىك سايلاۋعا قاتىستى پىكىر ءبىلدىردى

دونالد ترامپ پرەزيدەنتتىك سايلاۋعا قاتىستى پىكىر ءبىلدىردى.

ترامپتىڭ ويىنشا، پرەزيدەنتتىك سايلاۋدا ۇمىتكەر اتانا الاتىن ەكى ادام عانا بار: ونىڭ ءبىرى اقش ۆيتسە-پرەزيدەنتى دجو بايدەنا بولسا، ەكىنشىسى – سەناتور بەرني ساندەرس. دەگەنمەن، ترامپ ءوزىنىڭ تۆيتتەردەگى پاراقشاسىندا: «بۇل ەكەۋى دە اقش-تىڭ قازىرگى ەكونوميكاسىن دامىتۋعا قاۋقارسىز» – دەپ، باستى قارسىلاستارىنىڭ ءبىرىن «جالقاۋ»، ال ەكىنشىسىن «ۇيقىباس» دەپ اتادى. دەموكراتتار ۇسىنعان ساندەرستىڭ جەكە اكتيۆىندە 18 ملن دوللار بار. ال بايدان سايلاۋعا قاتىساتىنى جايلى رەسمي مالىمدەمە جاساعان جوق.

2020 جىلى قۇراما شتاتتارىندا وتەتىن پرەزيدەنتتىك سايلاۋعا قازىردىڭ وزىندە جيىرمادان استام ادام ءوز كانديداتۋراسىن ۇسىنعان. ماسەلەن، دەموكراتيالىق پارتيادان جازۋشى مارياننا ۋيليامسون، سەنا­تورلار كوري بۋكەر، بەرني ساندەرس، كامالا حارريس، وكىلدەر پالاتا­سىنىڭ مۇشەلەرى تۋلسي گاب­بارد، دجون دەلەيني، ەكس-مينيستر حۋليان كاسترو ەل باسقارۋعا ءۇمىتتى. ال رەسپۋبليكاشىلار پارتياسىنان قازىرگى پرەزيدەنت دونالد ترامپ، ەكس-سەناتورلار بوب كوركەر مەن دجەفف فلەيك، 1989-1993 جىلدارى اقش ۆيتسە-پرەزيدەنتى اپپا­راتى­نىڭ باسشىسى بولعان ۋي­ليام كريستول جانە وزگە دە بەس ۇمىتكەر بار.

اتالعان ەكى ءىرى توپتان بولەك، 1971 جىلى قۇرى­لعان امەريكاداعى ءۇشىنشى سايا­سي ۇيىم، ياعني ليبەرتاريان پارتياسى دا  وز ۇمىتكەرلەرىن ۇسىنىپ وتىر. ساراپشىلاردىڭ بولجاۋىنشا، دونالد ترامپ پەن گۋبەرناتور ۋيليام ۋەلد پرەزيدەنت بولۋعا باستى ۇمىتكەرلەر قاتارىندا.

ەسكە سالا كەتەيىك، امەريكاداعى كەزەكتى پرەزيدەنتتىك سايلاۋ 2020 جىلدىڭ 3 قاراشاسىندا وتەدى. ال قازىر ەل باسقارىپ وتىرعان دونالد ترامپ اقش-تىڭ 45-ءشى پرەزيدەنتى.

"The Qazaq Times"