«اپالونداردان» كەيىن جارتى عاسىرعا جۋىق ۋاقىت وتكەلى ادامزات بالاسى ايدى تاعى ءبىر مارتە باعىندىرماق. SpaceX اتتى امەريكالىق جەكەمەنشىك عارىش كومپانياسى 2018 جىلى ەكى ادامنىڭ عارىشقا ۇشۋىن ۇيىمداستىرىپ جاتقاندىعى جايلى مالىمدەمە جاسادى دەپ حابارلايدى bbc.com .
كومپانيانىڭ باسشىسى يلون ماسك بۇل جولى عارىش كەمەسىنە كاسىبي عارىشكەرلەر ەمەس، قاراپايىم ادامداردىڭ وتىراتىندىعى جانە دە ولاردىڭ بۇل ساپار ءۇشىن «ايتارلىقتاي اقشالاي سالىم» جاساعاندىعىن جەتكىزدى.
SpaceX عارىشتىق كومپانياسىنىڭ باسشىسى ايعا ۇشقالى جاتقان ەكى ءتۋريستىڭ كىم ەكەندىكتەرىن ازىرگە قۇپيا ۇستاۋدى ءجون كوردى. وسى جىلى تۋريستەر ارنايى مەديتسينالىق تەكسەرىستەن وتە سالىسىمەن عارىشقا ساپارعا دايىندىقتى باستاپ كەتپەك.
سونىمەن قاتار، كومپانيا باسشىسى: «بۇل باعدارلاما سوڭعى 45 جىلدا العاش رەت ادامزاتتىڭ عارىشقا ورالۋىن جۇزەگە اسىرىپ وتىر» - دەپ، اتاپ ءوتتى.
ايعا ساپارعا اتتاناتىن عارىش كەمەسى وسى جىلى سىناقتان وتەتىندىگى جوسپارلانىپ وتىر. عالىمداردىڭ ايتۋىنشا، العاشقى سىناق ۇشقىشسىز جۇزەگە اسپاق.
«قاراپايى ادامداردىڭ عارىشقا ۇشۋىنا مۇمكىندىك بەرەتىن باعدارلامانىڭ جۇزەگە اسۋى SpaceX پەن ناسا-نىڭ ىنتىماقتاستىعىنىڭ ارقاسىندا جۇزەگە اسىپ وتىر» - دەدى، يلون ماسك.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى