نيكولاس مادۋرو اسكەر سانىن كوبەيتپەك. فوتو: TRT World,

ۆەنەسۋەلا پرەزيدەنتى جىل سوڭىنا دەيىن ۇكىمەتىنە قاراستى اسكەر سانىن 1 ميلليونعا جەتكىزەتىنىن مالىمدەدى. ول بۇنداي مالىمدەمەنى وتكەن اپتانىڭ سوڭىندا ورتالىق قالا كاراكاستا وتكەن شەرۋ كەزىندە جاسادى.

ۆەنەسۋەلا پرەزيدەنتى نيكولاس مادۋرو بۇل جوسپاردى ورىنداۋ ءۇشىن ۇكىمەتتى قولدايتىن حالىقتىق جاساقتىڭ كولەمىن كەڭىتە تۇسپەك.  ول سوزىندە بۇل حالىقتىق جاساق ۇكىمەتتى جاقتاپ، مەملەكەتتى قورعايدى جانە ەلدى ازىق-تۇلىكپەن قامتاماسىز ەتۋگە دە كۇش سالادى.

حالىقتىق جاساق بۇرىنعى پرەزيدەنت ۋگو چاۆەس كەزىندە اسكەري ساپتان شەگىنگەن بۇرىنعى اسكەري قىزمەتكەرلەردەن جاساقتالعان. ون مىڭداعان مۇشەسى بار بۇل توپ ۇكىمەتتى جاقتاۋشى كۇش سانالادى. بۇعان دەيىن دە حالىقتىق جاساقتىڭ مۇشەلەرى نيكولاس مادۋرو ءۇشىن سوعىساتىنىن جەتكىزگەن بولاتىن. بۇل ەلدە ازاماتتىق سوعىس بولعان جاعدايدا ونىڭ زاردابى مەن كولەمىنىڭ الدە قايدا زور بولاتىنىن بىلدىرەدى.

“The Qazaq Times”