ليۆيانىڭ تريپولي قالاسىنداعى قارۋلى قاقتىعىستان 121 ادام كوز جۇمىپ, 561-ءى جاراقات العان. بۇل جونىندە دۇنيەجۇزىلىك دەنساۋلىق ساقتاۋ ۇيىمى حابارلادى.

اتالمىش ۇيىم تريپوليگە قوسىمشا قىزمەتكەرلەر مەن ءدارى-دارمەك جىبەرىپ جاتقانىن مالىمدەدى. 4 ساۋىردە تريپولي قالاسىنا حاليف حافتار باسشىلىق ەتەتىن “ليۆيا ۇلتتىق ارمياسى" مەن ونىڭ جاقتاستارى شابۋىل جاساپ، شاھاردى قورشاپ العان.

ليۆيادا 2011 جىلى ازاماتتىق سوعىس باستالىپ، ەل باسشىسى مۋاممار كاددافي ولتىرىلگەننەن كەيىن، بىرنەشە توپ ەلگە باقىلاۋ جاساۋ ءۇشىن كۇرەسىپ كەلەدى. ءىرى كۇشتەردىڭ ءبىرى بۇۇ قولداۋىمەن قۇرىلعان ليۆيانىڭ باتىس بولىگىن باقىلايدى ۇلتتىق كەلىسىم ۇكىمەتى مەن حافتارعا باعىناتىن «توبرۋكتەگى ۇكىمەت» ۇيىمى. قازىرگى تاڭدا نەگىزگى كۇن وسى ەكى ۇيىمنىڭ قولىندا.

"The Qazaq Times"