تۇركيا اقش شەشىمىن مويىندامادى.

«اقش تاعى ءبىر مارتە ءوزىنىڭ حالىقارالىق قۇقىقتارمەن ساناسپايتىنىن دالەلدەدى. بىراق بۇل شەشىم ءيزرايلدىڭ گولاند بيىكتىگىن باسىپ الۋىن زاڭداستىرمايدى. بۇل كەرسىنشە ايماقتاعى تەكەتىرەستى ودان سايىن ۋشىقتىرادى جانە تاياۋ شىعىس داعدارىسىن بەيبىت جولمەن شەشۋگە كەدەرگى كەلتىرەدى» - دەپ جازدى تۇركيا سىرتقى ىستەر ءمينيسترى مەۆليۋت چاۆۋشوعلى ءوزىنىڭ Twitter پاراقشاسىنا.

ەستەرىڭىزگە سالايىق، بۇعان دەيىن اقش پرەزيدەنتى دونالد ترماپ يزرايل پرەمەر-ءمينيسترى بينيامين نەتانياحۋمەن كەزدەسۋىندە گولاند بيىكتىگىن «تاۋەلسىز ءيزرايلدىڭ اۋماعى» - دەپ مويىنداۋعا بايلانىستى قۇجاتقا قول قويعان.

يزرايل 1967 جىلى سۇريامەن بولعان 6 كۇندىك سوعىستان سوڭ گولاند بيلىكتىگىن باسىپ العان. ال 1981 جىلى ايماقتى بىرجاقتى شەشىم بويىنشا اننەكسيالاعان. يزرايل مەن ءسۇريا سول ۋاقىتتان بەرى اتالمىش ماسەلەگە بايلانىستى قانداي دا ءبىر كەلىسىمگە كەلە الماي كەلەدى.

"The Qazaq Times"