شەكارالىق جانجال ايماعى. فوتو: QT,

بىرنەشە كۇننەن بەرى جالعاسىپ كەلە جاتقان قىرعىزستان مەن تاجىكستاننىڭ شەكارالاس ءوڭىرى باكەندە تۇرعىندار اراسىنداعى جانجال ۋشىعىپ تۇر. شەكارالىق قىزمەتتىڭ ارالاسۋىمەن توقتاتىلعان جانجال 13 ناۋرىز تۇستەن كەيىن قايتا كۇشەيىپ، شەكارا كۇزەتشىلەرى ەسكەرتۋ وعىن اتۋ ارقىلى توقتاتقان. قازىر قىرعىزستان مەن تاجىكستان ۇكىمەتى شەكارالىق ماسەلەلەردى شەشۋگە ءۇشىن سويلەسۋلەردى باستاپ كەتتى.

تاراپتار ەكى ەل اراسىنداعى شەشىلمەگەن كوكتاش شەكارالىق داۋىنا بايلانىستى كەلىسسوز جۇرگىزىلۋدە. كەشە قىرعىز پارلامەنتى باتكەندەگى ماسەلەنى جابىق وتىرىستا تالقىعا سالدى. قىرعىز ەلىنىڭ جوعارى لاۋازىمدىلارى جانجال شىققان شەكارا ايماقتارعا بارۋدا.

شەشىلمەگەن شەكارالىق ماسەلەلەر. فوتو: QT

كەشە تۇسكە دەيىن تاراپتاردىڭ شەكارا قاۋىپسىزدىك كۇشتەرى قاقتىعىس ايماعىندا جاعدايدىڭ ءبىرشاما تۇراقتى قالىپقا كەلگەنىن مالىمدەگەن. دەگەنمەن، شەكاراداعى تاجىكتەر مەن قىرعىزدار وش پەن يسپانانى جالعاستىراتىن جولدى جاۋىپ تاستاعان. قىرعىزستاندىقتار لەيلەك جاعىنا وتە الماي قالعان.

شەكارا تۇرعىندارى قاقتىعىستا تاس لاقتىرۋ، جاپپاي توبەلەستە بولعان. كەي باسىلىمدار تاجىك جاعىنان ءبىر ادامنىڭ قازا بولعانىن ايتادى. الايدا، رەسمي تاراپتار بۇل مالىمەتتى جوققا شىعارۋدا.

شەكارالىق جانجالدان كەيىن ەكى ەل پرەزيدەنتى تەلەفون ارقىلى سويلەسكەن. جەەنبەكوۆ پەن روحمان بىرلەسكەن كوميسسيا قۇرۋ ارقىلى ماسەلەنى ءتۇبىرلى شەشۋگە ۋادەلەسكەن. ءارى، قىرعىز بەن تاجىك ەلدەرى دوستىق پەن سەنىمدى ساقتاپ قالۋعا بار كۇشىن سالاتىنىن ايتقان. قازىر ەكى ەل بيلىگى كەلىسسوزدەرگە دايىندالۋدا. العاشقى ادىمدا سويلەسۋلەر دە بولىپ ءوتتى.

 “The Qazaq Times”