فوتو: reuters.net

Brexit جوسپارى بريتانيانى تىعىرىققا تىرەدى. ەگەر ۇلىبريتانيانىڭ ەۋروپالىق وداقتان شىعۋ مەرزىمى ۇزارتىلسا، ءىرى كولەمدە ايىپپۇل تولەيدى. بۇل تۋرالى Times باسىلىمى حابارلادى.

بىرىككەن كورولدىك 29 ناۋرىزدا قۇجاتتى بەكىتپەسە، ايىپپۇل سوماسى وداقتان شىعۋ بويىنشا كەلىسىلگەن 39 ملرد فۋنت ستەرلينگتەن بولەك وتەلەدى. ماسەلەن، لوندون وداقتان شىعۋدى ءبىر جىلعا ۇزارتقىسى كەلسە، ول ءۇشىن 13,5 ملرد فۋنت ستەرلينگ تولەۋى كەرەك. بريتانيالىق Daily Telegraph باسىلىمىنىڭ حابارلاۋىنشا، Brexit جوسپارلانعان كۇنى جۇزەگە اسپاعان جاعدايدا لوندون ەۋرووداق قۇرامىندا قالعان ءاربىر كۇن ءۇشىن وتەماقى تولەيدى. ياعني ۇلىبريتانيا شىعۋ ۇدەرىسىن ءۇش ايعا ۇزارتقىسى كەلسە، 3 ميلليارد فۋنت ستەرلينگتەي ايىپپۇل تولەۋى قاجەت. مالىمەتتەر بويىنشا، 275 قارجى فيرماسى ۇلىبريتانيادان 1,2 ترلن دوللار كولەمىندە اكتيۆتەرىن الىپ كەتپەك. قارجى ورتالىقتارى دۋبلينگە، بانكتەر فرانكفۋرتكە، ساۋدا ورتالىقتارى امستەردامعا قونىس اۋدارىپ جاتىر. ودان بولەك، 5000 جۇمىسشى وزگە ەلگە كوشۋدى كوزدەيدى. الداعى جىلدارى بۇل كورسەتكىش ۇلعايۋى مۇمكىن.

مينيسترلەر كابينەتىنەن تەك ەكى ادام عانا مەيگە قولداۋ بىلدىرگەن. ال پارلامەنت مۇشەلەرى Brexit جونىندەگى كەلىسىمدەردى كونسەرۆاتيۆتى پارتيا باسشىسىنىڭ جاساعانىن قالايدى.

"The Qazaq Times"