بۇگىن ەلىمىزدىڭ باسىم كوپ وڭىرىندە اۋا رايى قۇبىلمالى جانە جاۋىن-شاشىندى بولاتىنىن «قازگيدرومەت» مالىمدەدى. اۋا رايىن بولجاۋشى ماماندار، ەلدىڭ كەي وڭىرلەرىندە تۇمان ءتۇسىپ، كوك تايعاق بولاتىنىن، سولتۇستىك وڭىرلەردە قار ءتۇسىپ، كەي ايماقتاردا قارلى بوران بولاتىنىن ايتادى.

سينوپتيكتەر كەزەكتى اۋا رايىنىڭ وزگەرىسىن اتموسفەرالىق اعىستاردىڭ اسەرىنەن ەكەنىن ايتادى. اقمول، قوستاناي، سولتۇستىك قازاقستان وبلىستارىندا قارلى بوران بولۋى ىقتيمال. بۇنداي قولايسىز اۋا رايى پاۆلودار وبلىسىندا دا قايتالانۋى مۇمكىن. بۇرقاسىن مەن كوكتايعاق بولىپ كولىك قوزعالىسىنا قيىندىق اكەلەتىنىن ەسكەرتەدى.

وڭتۇستىك، وڭتۇستىك-شىعىس، شىعىس جانە باتىس ايماقتاردا تۇمان ءتۇسىپ جەلدىڭ جىلدامدىعى 15-20 م/س دەيىن جەتەدى دەپ بولجايدى ماماندار.

“The Qazaq Times”