دەليدە اۋانىڭ شەكتەن تىس لاستانۋىنان مەكتەپتەر جابىلدى

ءۇندىستاننىڭ استاناسى دەليدە اۋانىڭ لاستانۋىنىڭ قاۋىپتى شەككە جەتۋىنە بايلانىستى باستاۋىش مەكتەپتەر جابىلدى. الەمنىڭ ەڭ لاس استانالارىنىڭ تىزىمىنە كىرەتىن، 20 ملن تۇرعىنى بار دەليدىڭ ءۇستىن قويۋ تۇمان مەن ءتۇتىن باسقان.  بۇل تۋرالى APF اقپاراتتىق اگەنتتىگى جازدى.

اقش-تىڭ ۇندىستانداعى ەلشىلىگىنىڭ ۆەب-پاپراقشاسىندا جاريالانعان كورسەتكىشتەردە ادام دەنساۋلىعى ءۇشىن قاۋىپتى سانالاتىن PM 2,5 ميكروسكوپيالىق بولشەكتەرىنىڭ اۋاداعى كولەمى 700-ءدى كورسەتكەن. بۇل دۇنيەجۇزىلىك دەنساۋلىق ساقتاۋ ۇيىمىنىڭ قاۋىپسىز دەڭگەيىنەن 70 ەسەگە ارتىق.

ءۇندىستاننىڭ مەديتسينالىق قاۋىمداستىعى قوعامدىق دەنساۋلىق ءۇشىن الاڭداۋشىلىق تانىتىپ، ۇكىمەتتەن ءتيىستى شارالاردى قابىلداۋدى تالاپ ەتتى. 2 ملن جۋىق وقۋشى ءبىلىم الاتىن باستاۋىش مەكتەپتەر حالىق نارازىلىعىنىڭ ءورشي تۇسۋىنە بايلانىستى جابىلعان. ءۇندىستاننىڭ قورشاعان ورتانى قورعاۋ ۇيىمى الداعى كۇندەرى جاعدايدىڭ ودان ءارى ۋشىعاتىنىن ەسكەرتتى.

ايتا كەتەيىك، مۇنداي جاعداي قازاقستاندا دا بار. 1,5 ميلليونعا جۋىق حالقى بار الماتى قالاسى قازىرگى كەزدە ەكولوگياسى ەڭ ناشار قالالار تىزىمىندە. الماتىنىڭ اسپانىن دا كوك ءتۇتىن مەن قارا تۇمان باسقان.

“The Qazaq Times”