فوتو: https://avatars.mds

اقش تۇركيا جانە ءۇندىستان تاۋارلارىنا باج سالىعىن سالماق.

رەسمي ۋاشينگتوننىڭ حابارلاۋىنشا، باج سالىعىن ەنگىزۋگە قاتىستى قۇجات كونگرەسكە ۇسىنىلعان. ەگەر سەناتورلار ماقۇلداعان جاعدايدا، قۇجات قابىلدانادى. اق ءۇي باسشىسى دونالد ترامپ ارنايى كريتەريلەرگە ساي وزگە ەلدەرگە باج سالىعىنىڭ سالىنبايتىنىن، بىراق اتالعان ەكى ەل تاۋارلارىنىڭ ساپاسى تالاپقا ساي ەمەستىگىن ايتتى. سونىمەن قاتار، ءۇندىستان تاۋارلارى كەلىسىلگەن مولشەردە اقش-قا جەتكىزىلمەيدى.

2018 جىلى 31 مامىردا دونالد ترامپ كانادا، مەكسيكا جانە ەۋروپا وداعى ەلدەرى ءۇشىن بولات پەن اليۋمينيگە 10% جانە 25% كولەمىندە باج سالىعىن ەنگىزۋ تۋرالى شەشىم قابىلداعان بولاتىن. اق ءۇيدىڭ بۇل شەشىمىنە فرانتسيا پرەزيدەنتى ەممانۋل ماكرون «Le Figaro» باسىلىمىنا سۇحبات بەرىپ: «اقش ەنگىزگەن باج سالىعى زاڭسىز ءارى ۇلكەن قاتەلىك بولىپ تابىلادى، سونىمەن قاتار ول حالىقارالىق تەپە-تەڭدىكتى بۇزادى»،– دەپ مالىمدەدى. كەيىننەن ماكرون امەريكالىق ارىپتەسى دونالد ترامپپەن تەلەفون ارقىلى كەلىسسوز جۇرگىزىپ، ترامپتىڭ بولات پەن اليۋمينيگە باج سالىعىن ەنگىزۋى زاڭسىز ءارى قاتەلىك دەپ باعا بەرگەن.

"The Qazaq Times"