ۇلىبريتانيا جەر سەرىكتەرىن ۇشىردى

ۇلىبريتانيالىق «One Web» كومپانياسى جەر سەرىكتەرىن ۇشىردى. بۇل تۋرالى Times باسىلىمى حابارلادى.

فرانتسۋز عارىش ايلاعى ارقىلى ۇشىرىلعان جەر سەرىكتەرىنە 2 ميلليارد دوللار كولەمىندە ينۆەستيتسيا تارتىلعان. باستى ەرەكشەلىگى –الەمنىڭ كەز كەلگەن نۇكتەسىن كەڭ جولاقتى عالامتور جەلىسىمەن قامتاماسىز ەتەدى. اتالعان جوبانىڭ باس ديرەكتورى ادريان شتەكەل: «الەمدەگى مەملەكەتتەردىڭ بارلىعى دەرلىك جوعارى ساپالى عالامتورمەن قامتاماسىز ەتىلمەگەن. ماسەلەن، مەكسيكادا 120 مىڭعا جۋىق مەكتەپ عالامتورسىز وتىر. ال قازىرگى زامان تالابىنا ساي بارلىق ادام عالامتورمەن تىعىز بايلانىستا. ۇزاق جىلدار بويى ينتەرنەتسىز ءومىر سۇرگەن ادامدار مەنعالامتور ارقىلى جان-جاقتى حاباردى ءبىلىپ وتىراتىن ادامداردى سالىستىرىپ كورىڭىزشى. ايىرماشىلىق وتە كوپ. بۇل – قاجەتتىلىك»، – دەيدى.

قازىرگى ۋاقىتتا تاجىريبەلىك ماقساتتا سىنالاتىن قوندىرعىلاردىڭ التى ءتۇرى جەتكىزىلگەن. ەگەر جوسپارلى تۇردە كەڭ جولاقتى ينتەرنەت پايداعا اسسا، 2021 جىلعا دەيىن جەتى جۇزگە جۋىق جەر سەرىكتەرى ۇشىرىلماق.

"The Qazaq Times"