فوتو: https://www.thetimes.co.uk

گەرمانيا مەن فرانتسيا تاراپى ۇلىبريتانياعا Brexit مەرزىمىن ۇزارتۋ بويىنشا ۋاقىت بەرمەك. بۇل تۋرالى Times حابارلادى.

گەرمانيالىق ساراپشىلار «بىرىككەن كورولدىك ەۋرووداقتان شىعاتىن بولسا ءسوزسىز ۇتىلادى» دەپ ەسەپتەيدى. سەبەبى، يرلانديا مەن سولتۇستىك يرلانديا شەكاراسىنداعى ماسەلە مەن الداعى ۋاقىتتا بريتانيانىڭ ەۋروپا ەلدەرىمەن ءوزارا قارىم-قاتىناسىن شەشۋ ماسەلەسى ءالى دە تالقىلانىپ كەلەدى. وسىعان بايلانىستى يرلانديانىڭ سىرتقى ىستەر ءمينيسترى سايمون كوۆني: «بريتانيانىڭ مينيسترلەرىمەن كەزدەسىپ، ءبىراز ماسەلەلەردى تالقىلادىق. ءبىزدىڭ تاراپتىڭ ويىنشا، بىرىككەن كورولدىكتىڭ وداق قۇرامىنان شىعۋ كەلىسىمى وسى ايدا بەكىتىلگەنى دۇرىس بولادى»، – دەدى.

Brexit بويىنشا كەلىسسوزدەر 2017 جىلدان بەرى جالعاسىپ كەلەدى. تاياۋدا مەي ۇكىمەتى Brexit كەلىسىمىنىڭ تولىققاندى دايىن ەكەندىگىن ايتقان. 2016 جىلعى رەفەرەندۋم بويىنشا ۇلىبريتانيا بيىل ناۋرىزدا ەۋروپالىق وداق قۇرامىنان شىعۋى ءتيىس.

"The Qazaq Times"