اۋعانستانداعى تاليبان ۇيىمىنىڭ مالىمدەمەسىندە،  اقش پرەزيدەنتى دونالد ترامپتىڭ اتالعان ۇيىمدى اۋعانستانداعى «رەسمي تاراپتاردىڭ» ءبىرى رەتىندە اتاعانىن جوعارى باعالاپ، ۋاشينگتوننىڭ اۋعانستاندا بەيبىتشىلىك ورناتۋعا كومەكتەسەتىنىنە سەنىم بىلدىرگەن.

وتكەن اپتانىڭ سوڭىندا مالىمدەمە تاراتقان تالىپتەر، ترامپتىڭ وداقتاس ەلدەرىمەن وتكىزگەن كەزدەسۋىندە تاليبان ۇيىمىن تەررورلىق ۇيىمداردان بولەك رەسمي تاراپ رەتىندە اتاپ وتكەنىن العا تارتادى. سونداي-اق، ترامپتىڭ بۇل كوزقاراسى كەلىسسوزدەردىڭ العا دامۋىنا كومەكتەسەدى دەپ قارايدى.

بىلتىر كۇزدەن بەرى تاليبانمەن 18 جىلدىق كەلىسپەۋشىلىكتەردى شەشۋ ماقساتىندا كەلىسسوزدەر باستالدى. اۋعانستان پرەزيدەنتى اشراف عانيدىڭ بىرنەشە رەت سوعىس توقتاتۋ جانە كەلىسسوزگە شاقىرۋ ارەكەتتەرى تولىق ناتيجە بەرمەگەنىمەن، تاليبانداردى بىرتىندە كەلىسسوز ۇستەلىنە كەلتىرە الدى. قاڭتاردىڭ سوڭىندا جانە اقپان ايىنىڭ باس شەنىندە ۋاشينگتون مەن ماسكەۋدىڭ وكىلدەرى اۋعانستانداعى تالىپتەردى كەلىسسوزگە شاقىردى.

بۇگىن اقش پەن تاليباننىڭ وكىلدەرى پاكىستاندا كەلىسسوزدىڭ ەكىنشى كەزەڭىن باستايدى.

“The Qazaq Times”