مادۋرو ءسىم باسشىسىنىڭ اقش لاۋازىمدىسىمەن قۇپيا كەزدەسكەنىن ايتتى

ۆەنەسۋەلا پرەزيدەنتى نيكولاس مادۋرو جاساعان مالىمدەمەدە سىرتقى ىستەر ءمينيسترى اريەزا نيۋ-يوركتە اقش-تىڭ ۆەنەسۋەلا ءىسى بويىنشا ارنايى وكىلى ابرامسپەن قۇپيا كەزدەسكەنىن ايتتى.

مادۋرو Associated Press-كە بەرگەن جاۋابىندا، اريەزا ابرامستى «جەكە، قوعامدىق نەمەسە جاسىرىن قارىم-قاتىناستىڭ» قاي تۇرىمەن بولسا دا  ۆەنەسۋەلاعا ساپارلاي بارۋعا شاقىرعان. ول سونداي-اق، كەز-كەلگەن ۋاقىتتا، كەز-كەلگەن جاعدايدا ابرامسپەن كەزدەسۋگە دايىن ەكەنىن دە جەتكىزگەن.

مادۋرودان تىس ۆەنەسۋەلانىڭ تاعى ءبىر رەسمي لاۋازىمدىسى دا سىرتقى ىستەر ءمينيسترىنىڭ ابرامسپەن كەزدەسكەنىن راستاعان. بىراق، قازىرگە دەيىن امەريكالىق رەسمي تۇلعالاردىڭ بىردە ءبىرى بۇل كەزدەسۋ تۋرالى راستاعان جوق. ال، وتكەن اپتادا اقش-تىڭ ۆەنەسۋەلا ءىسى تۋرالى ارنايى وكىلى ابرامس: «مادۋرومەن سويلەسەتىن ۋاقىت الدە قاشان ءوتىپ كەتتى»، – دەگەن بولاتىن.

اقش بولسا – ۆەنەسۋەلانىڭ وپپوزيتسيا جەتەكشىسى حۋان گۋايدونى مەملەكەت باسشىسى رەتىندە مويىنداعان 50-گە جۋىق مەملەكەتتىڭ العاشقىسى. قۇرما شتات تارابى دا ۆەنەسۋەلا وپپوزيتسياسىنا ۇقساس بىلتىرعى سايلاۋدىڭ ناتيجەسى بۇرمالانعان دەپ سانايدى.

ۆەنەسۋەلا ءسىم باسشىسى اريەزا بەيسەنبى كۇنى مالىمدەمە جاساپ، ول جانە كوپتەگەن ەلدەردىڭ ءسىم باسشىلارى قۇراما شتات پەن وزگە بىرقاتار ەلدەردى ەگەمەن ەلدىڭ ىشكى ىسىنە ارالاسىپ، بۇۇ جارعىسىن بۇزدى دەپ سانايتىنىن ايتقان.

“The Qazaq Times”