جو بايدەن 1500 اقش اسكەرىن اۋعانستاندا قالدىرادى. بۇل تۋرالى ول ABC News ارناسىنا بەرگەن سۇحباتىندا مالىمدەدى. ونىڭ ويىنشا كابۋلدا دۇربەلەڭ بولماي قويميدى.

اقش پرەزيدەنتى مالىمدەمەسىندە امەريكالىق اسكەلەردىڭ اۋعانستاننان شىعارىلۋى وسى ايدىڭ سوڭىنا دەيىن تولىق جۇزەگە اسىرىلادى. الايدا، كابۋل حالىقارالىق اۋەجايىنىڭ قاۋىپسىزدىگى جانە ەۆاكۋاتسيانى قامتاماسىز ەتۋ ءۇشىن 1500 جاۋنگەردىڭ اۋعانستاندا قالاتىنىن ايتقان.

قازىر شەت مەملەكەتتەر اسىرەسە ناتو مۇشەلەرى اۋعانستانداعى ازاماتتارى مەن وزدەرىنە قىزمەت ەتكەن اۋعان ازاماتتارىن ەلدەن شىعارىپ كەتۋگە ارەكەت ەتۋدە. ۋاشينگتون دا وزدەرىنە ءتۇرلى قىزمەتتەر اتقارعان، اۋدارماشى بولعان اۋعان ازاماتتان الىپ كەتۋگە ۋادە ەتكەن بولاتىن. قازىرگە دەيىن اقش جاعى 5200 ادامدى ەۆاكۋاتسيالاپ ۇلگرەدى. پەنتاگون ءوزىنىڭ مۇمكىندىكتەرىنە ساي كۇنىنە 9000 مىڭ ادامدى ەۆاكۋاتسيالاۋعا بولاتىنىن ايتقان.

كابۋل حالىقارلىق اۋەجايىنىڭ سىرتىندا ەلدەن كەتۋگە ارەكەت ەتىپ جاتقان اۋعانستاندىقتار. فوتو: KHAIRULLAH HOTAK/EVN

قازىر كابۋلداعى حالىقارالىق اۋەجايدا 4500-گە جۋىق اسكەرى كۇزەتىپ تۇر. الايدا، تالىپتەر ءاۋجايدىڭ سىرتىنان قورشاپ العان، ەلدەن شىققىسى كەلەتىن ازاماتتاردى وتكىزبەي جاتقانى تۋرالى مالىمەتتەر بار.

The Qazaq Times