![](https://qazaqtimes.com/kk/content/uploads/2017/02/aljazeera.com1_-800x480.jpg?token=cb6b2140622ef78c2ea7ff1838336c70)
بۇگىن، 23 اقپان كۇنى، يراك ارنايى اسكەري كۇشتەرى موسۋل قالاسىنىڭ باتىسىن «يسلام مەملەكەتى» ۇيىمىنان ازات ەتتى. يراك اسكەري كۇتەرى شتۋرم موسۋل نەگىزگى اۋەجايى مەن سوعان جاقىن اسكەري بازانى باسىپ العان.
![](http://qazaqtimes.com/content/uploads/2017/02/South-Front-1024x581.png)
فوتو: South Front
اسكەريلەردىڭ ايتىسىنا قاراعاندا يراك ارنايى لاڭكەستىككە قارسى اسكەري قوسىنى بۇگىن تۇستەن بۇرىن، «يسلام مەملەكەتى» ۇيىمىنىڭ قولىنداعى داگازراني اسكەري بازاسىنا تاياۋ جەردە لاڭكەستىك كۇشتەرمەن سۇراپىل ۇرىس سالعان. اسكەري وپەراتسياعا قاتىسقان وفيتسەردىڭ ءبىرىنىڭ ايتىسىنا قاراعاندا، شايقاس قيان-كەسكى بولعان. ەكى جاق تا ءبىر بىرىنە كۇشتى وت كۇشىمەن قارسى تۇرعان. ۇرىس باستالىپ كوپ وتپەي لاڭكەستەر موسۋل اۋەجايىنا قاراي شەگىنگەن.
![](http://qazaqtimes.com/content/uploads/2017/02/South-Front.png-1024x634.jpg)
فوتو: South Front.
يراك جەرگىلىكتى تەلەارناسى تاراتقان حاباردا: «جەدەل شابۋىل گرۋپپاسى، فەدەرالدىق پوليتسيا جانە لاڭكەستىككە قارسى اسكەري كۇشتەر جۇمىلدىرىلعان شابۋىل ارقىلى موسۋلداعى داگازراني جانە گازي بازالارىن باسىپ الدى»، – دەلىنگەن. 2014 جىلدان بەرى موسۋلداعى اسكەري بازالار «يسلام مەملەكەتى» تەرروريستىك ۇيىمىنىڭ ماڭىزدى تىرەگى بولىپ كەلدى. لاڭكەستىككە قارسى تۇرۋدى جەدەلدەتۋ ءۇشىن اقش اۋە كۇشتەرىنىڭ قولداۋىندا يراك قارۋلى كۇشتەرى مۋسولدى ازات ەتۋدى جالعاستىرىپ كەلە جاتقانىنا دا كوپ ۋاقىت بولدى. قالانىڭ باتىسىنداعى اسكەري بازالاردىڭ تالقاندالۋى اتالمىش ۇيىمنىڭ موسۋلداعى تابان تىرەر تياناعىن جويعانمەن بىردەي سانالادى.
![](http://qazaqtimes.com/content/uploads/2017/02/CNN--1024x576.jpg)
فوتو: CNN
“The Qazaq Times”