يران پرەزيدەنتى ءسۇريانىڭ ءسىم باسشىسىن قابىلدادى. فوتو: يرنا.

كەشە، 6 اقپان كۇنى يران پرەزيدەنتى حاسان رۋحاني ءوز ەلىنە ساپارلاي كەلگەن ءسۇريانىڭ ءسىم باسشىسى ۆاليد مۋاللەمەن كەزدەستى. كەزدەسۋدە پرەزيدەنت رۋحاني يراننىڭ سۇرياداعى ميسسياسىنا سوڭىنا دەيىن تاباندى بولاتىنىن جەتكىزگەن.

يران پرەزيدەنتى سوزىندە ءسۇريانىڭ قازىرگى جاعدايىنا باعا بەرىپ، باشار اساد ۇكىمەتى اقش باستاعان باتىس ەلدەرىنىڭ «قاستاندىعىن» جەڭىپ شىقتى دەگەن. ول سونداي-اق، بۇل «جەڭىس» ءسۇريا مەن بۇكىل ايماقتىڭ جەڭىسى دەگەن پىكىرىن ايتقان.

حاسان رۋحاني مەن ۆاليد مۋاللە اراسىنداعى كەزدەسۋدە يران-ءسۇريا اراسىنداعى ىنتىماقتاستىقتى جالعاستى تەرەڭدەتۋ ماسەلەلەرى تالقىعا سالىنعان. حاسان رۋحاني يران تارابى ءسۇريادا تولىق تىنىشتىق ورناعانعا دەيىن ۇكىمەتىنە قولداۋ كورسەتە بەرەتىنىن جەتكىزگەن.

يزرايل تارابى يراننىڭ ءسۇريا جەرىندەگى اسكەري قادامدارى ءيزرايلدىڭ ۇلتتىق قاۋىپسىزدىگىنە تىكەلەي قاتەر توندىرەدى دەپ الاڭدايدى. بىرەر اپتا بۇرىن يزرايل ۇكىمەتى يرانعا ەسكەرتۋ جاساپ، ءسۇريا جەرىندەگى قارۋلى كۇشتەرىن كەرى قايتارماسا، اۋە شابۋىلدارىن جالعاستىراتىنىن مالىمدەگەن. الايدا، تەھران بيلىگى بۇعان قارسى جاۋاپ بەرىپ، يزرايل شابۋىلدارىن تويتارۋعا دايىن ەكەنىن جەتكىزگەن. قازىر وڭىردە يران مەن يزرايل جانە ساۋد ارابيا سىندى ەلدەردىڭ تەكە-تىرەسى الەمنىڭ نازارىن وزىنە اۋدارۋدا.

“The Qazaq Times”