جاپون جانە كورەي شەرۋشىلەرى قاقتىعىستى

جاپون اقپارات قۇرالدارى، 22 اقپان، جاپونيا سيمانە ايماعىنىڭ  ماتسۋە قالاسىندا 12-ءشى كەزەكتى وتكىزىلىپ جاتقان، «تاكەشيما كۇنى» سالتاناتىندا (كورەيالىقتار «دوكتو كۇنى» دەپ اتايدى) جاپوندىق جانە كورەيالىق قوعامدىق شەرۋشىلەر اراسىندا قاقتىعىس ورىن الدى دەپ حابارلايدى.

فوتو: East IC

قاقتىعىس ەكى ەلدەن شەرۋگە قاتىسقاندار اراسىنداعى جانجالدان ورىن العان. ماتسۋە جەرگىلىكتى ۇكىمەتى بۇل قاقتىعىستىڭ ساياسي استارى جوق دەپ تۇسىندىرگەنىمەن، سوڭعى كەزدەگى جاپونيا مەن وڭتۇستىك كورەيا اراسىنداعى ساياسي الاۋىزدىقتىڭ ىقپالى، جەكەلەگەن ازاماتتاردىڭ ارەكەتىنەن كورىنىس بەرۋى بەك مۇمكىن. قاقتىعىستا ونعا جۋىق ادام جاراقات العان. جەرگىلىكتى اماندىق ساقتاۋشى قىزمەتكەرلەر قاقتىعىستى دەر كەزىندە توقتاتىپ، جانجالدىڭ تۋدىرعانداردى اكىمشىلىك جازاعا تارتقان.

فوتو: East IC

«دوكتو كۇنىنىڭ» تاريحى 1900 جىلدان باستالادى. سول كەزدەگى سولتۇستىك كورەيانىڭ سوڭعى يمپەراتورىنىڭ №41 جارلىعى بويىنشا دوكتو ارالى ۋللىنو ارالىنىڭ ەنشىسىنە دەپ بەكىتىلەدى. بەيبىت بىتىمگە سەبەپكەر بولعان بۇل جارلىقتىڭ قۇرمەتىنە شىعىس ەلدەرىندە «دوكتو» نەمەسە «تاكەشيما» دەگەن اتتارمەن اتاۋلى كۇندەر رەتىندە وتكىزىلىپ كەلەدى.

“The Qazaq Times”