فرانتسياداعى «سارى جيلەت» اكتسياسى وسىمەن 12-ءشى اپتا جالعاسىپ كەلەدى. قازىرگى تاڭدا 58 مىڭنان استام ازامات وزدەرىنىڭ نارازىلىقتارىن ءبىلدىرىپ كوشەلەر مەن الاڭداردا ءجۇر.

سونىمەن قاتار، فرانتسيانىڭ جەرگىلىكتى باق وكىلدەرىنىڭ اقپاراتىنا سۇيەنسەك، تەك، پاريج قالاسىنىڭ وزىندە 13000-نان استام تۇرعىن وزدەرىنىڭ قارسىلىقتارىن ءبىلدىرىپ فەليكس ەبۋەدەن باستاپ، رەسپۋبليكا الاڭىنا دەيىن سوزىلىپ جاتقان كورىنەدى. بىرنەشە ازامات ءتارتىپ ساقشىلارىنىڭ قولىنا تۇسسە، كوپتەگەن تۇرعىندارعا ءتارتىپ ساقشىلارىنىڭ تاراپىنان اششى گازدار اتىلۋدا.

2018 جىلدىڭ 17-ءشى قاڭتارىندا جانارماي سالىعىنىڭ تىم قىمباتتاۋىنا قارسى الاڭعا جينالعان فرانتسۋزدار بيلىك وكىلدەرىمەن ءبىر كەلىسىمگە كەلگەن بولاتىن. الايدا، فرانتسيا بيلىگى نارازىلىق شاراسىنا شىققان ازاماتتاردى قاتاڭ جازالاۋدى تالاپ ەتىپ، ولاردىڭ دۇرىس ارەكەتكە بارماي وتىرعاندىعىن حابارلاعان. وسىدان كەيىن، بىردەن باس كوتەرگەن حالىق، «سارى جيلەت» شەرۋىن ءالى جالعاستىرىپ كەلەدى. ساراپشىلاردىڭ سوزىنشە، قازىرگى تاڭدا بارلىق فرانتسيا ايماعىندا 80 000-نان استام پوليتسەيلەر مەن جاندارمدان «سارى جيلەت» اكتسياسىنا جۇمىلدىرىلعان.

"The Qazaq Times"