جاپون ساراپشىلارى قىتاي قاۋىپسىزدىك ستراتەگياسى تۋرالى ەسەپتى جاريالادى

جاپونيا قورعانىس اگەنتتىگى قورعانىس عىلىمي-زەرتتەۋ ورتالىعى سارسەنبى كۇنى زەرتتەۋ قورىتىندىسىن جاريا ەتتى. وندا قىتايدىڭ «ءبىر بەلدەۋ، ءبىر جول» تۇجىرىمداماسى قىتاي ليدەرلىگىندەگى حالىقارالىق ءتارتىپتى قۇرۋعا جاردەمدەسەتىنىن العا تارتقان. ءارى، بۇل اقش پەن وڭتۇستىك شىعىس ازيا ەلدەرى اسسوتسياتسياسىنىڭ جانە باسقا ەلدەر مەن ۇيىمداردىڭ قىراعىلىعىن ارتتىرۋعا يتەرمەلەيتىنىن ايتادى.

سونىمەن بىرگە، جاپوندىق ساراپشىلار قىتايدىڭ شىعىس قىتاي تەڭىزى مەن وڭتۇستىك قىتاي تەڭىزىندەگى اسكەري قۋات مەن مارتەبەسىن كۇشتەپ وزگەرتۋى مۇمكىن دەگەن بولجامدى ورتاعا سالعان.

جاپونيا قورعانىس عىلىمي-زەرتتەۋ ورتالىعى قورعانىس مينيسترلىگىنىڭ تاپسىرماسىمەن، جىل سايىن قىتايدىڭ اسكەري قۋاتى جانە باسقا دا اسپەكتىلەرىنە تالداۋ جاساپ، «قىتاي قاۋىپسىزدىك ستراتەگياسى تۋرالى ەسەپتى» جاريالاپ وتىرادى. 2019 جىلعى ەسەپتە قىتايدىڭ ازياداعى حالىقارالىق تارتىپكە بولعان ىقپالى باستى تاقىرىپ ەتىلگەن.

جاپون ساراپشىلارىنىڭ ايتۋىنشا، شي جينپيڭ رەجيمى مىندەتتەگەن ستراتەگيانىڭ ەكى نەگىزگى يادوسى بار. ءبىرىنشىسى – الەمدەگى ەكىنشى ءىرى ەكونوميكانىڭ كۇشىنە سۇيەنەدى، ياعني، ەكونوميكالىق دامۋدى ىنتالاندىرۋ، ايماقتىق جانە حالىقارالىق ءتارتىپتى قالىپتاستىرۋدا جەتەكشى رولگە ۇمتىلۋ. ەكىنشىسى – «نەگىزگى مۇددەلەرگە»، سونىڭ ىشىندە اۋماقتىق ەگەمەندىك قۇقىعىنا قىسىم جاساۋ جانە ىرىقتىلىققا قول جەتكىزۋ ءۇشى جەدەل ارتىپ كەلە جاتقان قورعانىس قۋاتىنا سۇيەنۋ.

باياندامادا قىتايدىڭ وڭتۇستىك قىتاي تەڭىزىندەگى اسكەري ارەكەتتەرى مەن فيليپپين، ۆەتنام سەكىلدى ەلدەرمەن بولعان تەكە-تىرەسى كوبىرەك ايتىلادى. «ەكونوميكالىق ديپلوماتيامەن» باستاماشىلىققا ۇمتىلۋ سەكىلدى قىتايدىڭ حالىقارالىق ستراتەگياسىن تالداپ كورسەتكەن.

جاپونيا قورعانىس عىلىمي-زەرتتەۋ ورتالىعى «قىتاي قاۋىپسىزدىك ستراتەگياسى تۋرالى ەسەپتى» ءار جولى جاپون، اعىلشىن جانە قىتاي تىلىندە جاريا ەتەدى. ءارى، بۇل عىلىمي جانە قوعامدىق پىكىر رەتىندە جاريالانادى، جاپونيا ۇكىمەتىنىڭ نەمەسە قورعانىس مينيسترلىگىنىڭ پىكىرىن بىلدىرمەيدى.

“The Qazaq Times”