جاپونياداعى اسا ۇلكەن ەمەس ودزي قالاسى حونسيۋ ارالىنا قاراستى، كيتاكاتسۋراگي ۋەزدىندە ورنالاسقان. ونىڭ اۋماعى 7 شارشى كيلومەتردى الىپ جاتىر جانە تۇرعىن سانى – 23 مىڭ. جەرگىلىكتى تۇرعىندار ءداستۇردى قۇرمەتتەپ، دارىپتەپ جۇرەدى ەكەن. اسىرەسە، VII عاسىردا سول ەلدى مەكەندە بۋدديستەرگە عيباداتحانا اشقان سەتوكۋ حانزادا مەن ونىڭ جانىنان ەكى ەلى قالمايتىن يۋكيمارۋ اتالاتىن ءيتىن ەسكە الىپ جۇرەدى. سول سەبەپتى دە، جەرگىلىكتى بيلىك وكىلدەرىندە ءيتتى ودزي قالاسىنىڭ تۇمارى جاساۋ يدەياسى تۋىنداعان. بۇل تۋرالى hi-news اقپاراتتىق اگەنتتىگى حابارلايدى.
تۇمار – وزىندىك سيپاتى بار بويتۇمار ەكەنى بەلگىلى. ونداي تۇمارلار وتە ۇلكەن كومپانيالاردا بار. مىسالى: رونالد ماكدونالدتىڭ «McDonald’s» سايقىمازاعى، الەمگە ايگىلى جاپونيالىق Sega اپپاراتتارىنىڭ سونيك اتالىپ كەتكەن كىرپىسى. وسىلاردى ەسكەرە كەلە، قالا باسشىلارىندا «نەگە قالانىڭ تۇمارىن ويلاپ تاپپاسقا؟» دەگەن سۇراق تۋىنداپ، ويلارىنا ايگىلى جاپوندىق حانزادانىڭ جانىنان تاستامايتىن توبەتى ەستەرىنە ءتۇستى. سول ءيتتىڭ قۇرمەتىنە، ءتىپتى مەحراب دا جاسالىنىپتى. وندا كەز كەلگەن ادام قۇرمەت جاساپ، وزىنە جانە وتباسىنا ساتتىلىك تىلەۋىن ءوتىنىپ كەتەتىن بولعان.
جاپونيانىڭ سۋرەتشىلەرى اپپاق كۇشىكتىڭ ماكەتىن جاساپ شىعاردى. ءبىر قاراعاندا، جاپوندىق اكيتا-ينۋ تۇقىمىنا ۇقساس جانە ىشكى جاعىنا كۆادروكوپتەر اتالاتىن راديوباسقارعىشى بار اپپارات سالىندى. ەندى قالانىڭ رەسمي تۇمارىنا اينالعان بۇل ءيتتى جەرگىلىكتى تۇرعىندار دا، تۋريستەر دە قالانىڭ كورىكتى نىشاندارىنىڭ ءبىرى رەتىندە قابىلدايدى.
«The Qazaq Times»
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى