قىتاي دەلەگاتسياسى اقش-قا باردى

قىتاي دەلەگاتسياسى ساۋدا كەلىسىمىنە بايلانىستى اقش-قا باردى.

جەرگىلىكتى باق وكىلدەرىنىڭ مالىمەتىنشە، قىتاي مەملەكەتتىك كەڭەسى ۆيتسە-پرەمەرى ليۋ حە باستاعان دەلەگاتسيا بۇگىن ۋاشينگتونعا بارعان. ولار قاڭتار ايىنىڭ 30-ى مەن 31-ءى كۇندەرى ارالىعىندا وتەتىن ەكىجاقتىق ساۋدا كەلىسىمىنە قاتىستى كەلىسسوزدەرگە قاتىسادى دەپ جوسپارلانۋدا.

بۇعان دەيىن اقش قارجى ءمينيسترى ستيۆەن منۋچين قىتاي دەلەگاتسياسىمەن ارادا وتەتىن كەلىسسوزدەر بارىسىندا پرەزيدەنت تارپتىڭ ليۋ حەمەن كەزدەسەتىندىگىن ايتقان.

ترامپتىڭ ەكونوميكالىق ماسەلەلەر جونىندەگى كەڭەسشىسى لارري كۋدلوۋدىڭ سوزىنشە، اقش پەن قىتاي اراسىنداعى بۇل جولعى كەلىسسوزدەر ەكى ەل اراسىنداعى ساۋدا كەلىسىمى تاريحىنداعى ەڭ ماڭىزدى جانە جان-جاقتى تالقىلاۋدى تالاپ ەتەتىن باس قوسۋ بولماق.

"The Qazaq Times"