اقش پرەزيدەنتى دونالد ترامپ فەدەرالدى بيلىكتىڭ ۋاقىتشا جۇمىس ىستەۋى تۋرالى جارلىققا قول قويماقشى. بۇل تۋرالى 25 قاڭتار كۇنى اق ۇيدە وتكەن ءباسپاسوز-كونفەرەنتسياسىندا مالىمدەدى.

ترامپتىڭ سوزىنشە، كونگرەسس پەن اراداعى كەلىسىمگە قول جەتكىزۋ مۇمكىن بولعان. وسىعان بايلانىستى اق ءۇي باسشىسى بيلىكتىڭ 15 اقپانعا دەيىن ءوز جۇمىسىن جالعاستىراتىندىعى مالىمدەدى. سونىمەن قاتار، ترامپ وسى ۋاقىت ىشىندە رەسپۋبليكاشىلدار مەن دەموكراتتاردى مەكسيكا شەكاراسىندا تۇرعىزىلاتىن قابىرعا ءۇشىن كەلىسىمگە كەلەتىندىگىنەن ءۇمىتتى. الايدا، قوس تاراپ 15 اقپانعا دەيىن كەلىسىمە كەلە الماسا، جاڭا شاتداۋنعا دايىن ەكەندىگىن دە ەسكەرتتى.

ەستەرىڭىزگە سالا كەتەيىك، فەدەرالدى بيلىك 22 جەلتوقسان كۇنى جۇمىسىنىڭ ءبىر بولىگىن توقتاتقان بولاتىن. مەكسيكا مەن اقش اراسىنداعى قابىرعا تۇرعىزۋ داۋى سول ۋاقىتتان بەرى شەشىمىن تاپقان جوق. وسىعان بايلانىستى اقش-تىڭ مىڭداعان مەملەكەتتىك قىزمەتكەرلەرى مەرزىمىنەن بۇرىن تولەمسىز ەڭبەك دەمالىسىنا شىققان. قازىرگى تاڭدا بۇل شاتداۋىن اقش تاريحىنداعى ەڭ ۇزاق مەرزىم بولىپ وتىر.

"The Qazaq Times"