fergana.agency

قىرعىزستانعا كومەك دەگەن جەلەۋمەن فينليانديا بيۋدجەتىنەن قارجى جىمقىرىلعان.  قازىرگى تاڭدا اتالعان ىسكە قاتىستى تەرگەۋ جۇمىستارى باستالدى. بۇل تۋرالى Yle باسىلىمى حابارلاپ وتىر.

بەيتانىس الاياقتار بۇۇ-نىڭ جەلىسىن بۇزىپ، فينليانديا سىرتقى ىستەر مينيسترلىگىنە  بۇۇ-نىڭ اتىنان حات جولداعان. وندا قىرزستاننىڭ قۇقىقتىق جۇيەسىن دامىتۋ ءۇشىن 400 مىڭ ەۋرو ءبولۋدى ۇسىنىپ كەلىسىپ تە ۇلگەرگەن.

فينليانديا شەنەۋنىكتەرى اتالعان حاتقا كۇمان كەلتىرىپ، بىردەن پوليتسيا قىزمەتكەرلەرىنە حابارلاپ، الاياقتاردىڭ ەسەپشوتىن بۇعاتتادى. قوماقتىڭ قارجىنىڭ ءبىر بولىگىن فين سىرتقى ىستەر مينيسترلىگى قايتارىپ العانىمەن، 170 مىڭ ەۋرونى الاياقتار جىمقىرىپ ۇلگەرگەن.

قازىرگى تاڭدا فينليانديا ورتالىق كريمينالدى پوليتسياسى بۇل ءىستىڭ ارتىندا ۇيىمداسقان قىلمىستىق توپ تۇر دەپ بولجاپ وتىر. سونىمەن قاتار، قاتىسى بولۋى مۇمكىن دەگەن ءۇش ادامنىڭ اتى مەن قاي ەلدىڭ ازاماتى ەكەندىگى دە تەرگەۋ جۇمىسىنا ەنگىزىلگەن. الايدا، بۇل تۋرالى قۇقىق قورعاۋ ورىندارى جاق اشىپ ايتار ەمەس. بىراق، اتالعان ازاماتتار تەك اقشا جىمقىردى دەگەن كۇدىككە ىلىنگەن. ال، مۇنداي قوماقتى قارجىعا كىمنىڭ يە بولۋى مۇمكىن ەكەندىگى ازىرگە بەلگىسىز.

“The Qazaq Times”