اقش پەن تاليبان وكىلدەرى پاكىستاندا كەزدەسپەك

تاليبان ۇيىمى مەن اقش وكىلدەرى پاكىستاننىڭ ورتالىق قالاسى يسلامابادتا كەزدەسپەك. بۇل تۋالى قۇراما شتاتتىڭ اۋعانستانداعى ارنايى وكىلى زالماي حاليزاد پاكىستان ءسىم باسشىسىمەن كەزدەسۋ كەزىندە ورتاعا سالعان.

پاكىستاننىڭ سىرتقى ىستەر ءمينيسترى شاح ماحمۇد كۋرەيشي مەن زالماي حاليزاد اراسىنداعى كەزدەسۋدە وڭىردە بەيبىتشىلىك ورناتۋ باعىتىندا جۇمىستاردى ۇيلەستىرۋ ماسەلەلەرى تالقىلانعان. سونداي-اق، يسلاماباد قالاسىندا وتكىزۋدى جوسپارلاپ وتىرعان اۋعانستاننىڭ تاليبان كۇشتەرى مەن اقش وكىلدەرى اراسىنداعى كەزدەسۋ تۋرالى كەڭەسكەن.

مالىمەتتەرگە قاراعاندا بۇل كەزدەسۋدە تالىپتەر مەن قۇراما شتاتتىڭ وكىلدەرىنەن تىس، پاكىستان، ساۋد ارابياسى، بىرىككەن اراب امىرلىگى جانە كاتار قاتارلى ەلدەردىڭ وكىلدەرى دە قاتىسادى.

قازىر وڭىردەگى اقش اسكەري جانە ديپلوماتيالىق تۇلعالارى پاكىستان مەن اقش قارىم قاتىناسىن رەتكە سالۋ، اۋعانستان ماسەلەسىندە پاكىستاننىڭ ءرولىن كوتەرمەلەۋ سىندى جۇمىستار الىپ بارۋدا. بۇل اقش پرەزيدەنتى ترامپتىڭ وڭىرگە قاراتقان جاڭا ستراتەگياسى جاريالانعاننان بەرى ۇستانعان باستى باعىتتارى.

“The Qazaq Times”