فوتو: mtdata.ru

ۇلىبريتانيا پرەمەر-ءمينيسترى تەرەزا مەي ءوز لاۋازىمىن ساقتاپ قالدى.

پارلامەنت وتىرىسىندا بريتان پارلامەنتاريلەرى پرەمەر-مينيستر تەرەزا مەي ۇسىنعان Brexit جوسپارىن كەرى قايتاردى. سوعان قاراماستان، پارلامەنت وكىلدەرى مەيگە سەنىم ءبىلدىرىپ، پرەمەر ۇكىمەتى ءوز بەدەلىن ساقتاپ قالدى. اتالعان ماسەلە اياسىندا بريتاندىق Guardian باسىلىمىنا سۇحبات بەرگەن ساياساتكەر جون گرەيس: «اقىماقتار باسقارعان كەمە سول بەتىمەن تەڭىزدە ءجۇزىپ بارادى. ەندى ساياساتتاعى بۇل ساپاردىڭ قاشانعا دەيىن سوزىلارى بەلگىسىز»، – دەپ كەكەسىن ماتەريال جاريالاعان.

ۇلىبريتانيا 2016 جىلدىڭ ماۋسىم ايىندا جاڭا رەفەرەندۋم قابىلداپ، ەۋرووداقتان شىعۋ تۋرالى مالىمدەگەن بولاتىن. شارت بويىنشا مەملەكەت 2019 جىلدىڭ ناۋرىزىندا ەۋروپالىق وداق قۇرامىنان شىعۋى ءتيىس ەدى. بريتان پارلامەنتى بۇل شەشىمگە قارسىلىق بىلدىرگەن سوڭ، وداق باسشىلىعى تەرەزا مەيدىڭ جوسپارىن كەلەر جىلعا قالدىردى.

"The Qazaq Times"