گااگا سوتى ەكس-پرەزيدەنتىن اقتادى

گااگاداعى حالىقارالىق قىلمىستىق سوت ەكس-پرەزيدەنت كوت-د يۆۋار لوران گباگبوعا تاعىلعان ايىپتار نەگىزسىز دەگەن شەشىم شىعاردى.  

2010 جىلى سايلاۋ قورىتىندىسىنا قارسى وتكەن ەرەۋىلدە ءۇش مىڭ ادام قازا تاپقان. سول كەزدە لوران گباگبو جەرگىلىكتى تۇرعىندارعا قارسى قىلمىستى ۇيىمداستىردى دەپ ايىپتالدى. ەرەۋىل كەزىندە جارتى ميلليون ادام وزگە ەلگە كەتۋگە ءماجبۇر بولعان. جاپپاي تولقۋلارعا ۇلاسقان ءىستى تەرگەي كەلە، 2011 جىلى فرانتسۋز اسكەرلەرى مەن بۇۇ بىتىمگەرلەرىنىڭ كومەگىمەن گباگبو پرەزيدەنتتىك بۋنكەردە تۇتقىندالعان.

«ادىلەت جانە كونفليكت» (Justice in Conflict) كىتابىنىڭ اۆتورى مارك كەرستەن BBC-گە بەرگەن سۇحباتىندا: «كوپ جەردە سوت تەك قاراپايىم حالىق پەن كوتەرىلىسشىلەردى عانا كىنالى دەپ تانيدى. ال قىلمىس جاساعان كوشباسشىلار بوستاندىقتا قالىپ قويادى. بۇل دا سونىڭ كورىنىسى بولۋى مۇمكىن»، – دەيدى.

"The Qazaq Times"