ەو يرانعا سانكتسيا جوباسىن ماقۇلدادى. فوتو: Devdiscourse.

بۇعان دەيىن اقش-تىڭ يرانعا باعىتتاعان سانكتسياسىنا قولداۋ تانىتپاعان ەۋروپالىق وداق يرانعا سانكتسيا سالۋعا شەشىم قابىلدادى. بىراق، ەۋروپا وداعىنىڭ سانكتسياسى يراننىڭ بارلاۋ ۇيىمىنا باعىتتالعان.  

ەۋرووداق كەڭەسىنىڭ جاساعان مالىمدەمەسىندە، ەكى يراندىق ازاماتتىڭ ەۋروپا جەرىندە قاستاندىق جاساۋدى جوسپارلادى دەپ ايىپتادى. مالىمەتتە ايتىلۋىنشا اتالعان ەكى يراندىق سول ەلدىڭ بارلاۋ ۇيىمىنا قىزمەت ەتەدى.

ەو تارابىنان قابىلدانعان سانكتسيا يران بارلاۋ ۇيىمىنىڭ ەۋروپاداعى تۇراقتى مۇلىگى مەن قارجىلارىن بۇعاتتايدى.

بۇنىمەن قاتار وسىعان دەيىن ەو سانكتسياسىنا ۇشىراپ كەلگەن 15 يران ازاماتى مەن 21 مەكەمەگە باعىتتالعان سانكتسيا تاعى 6 ايعا ۇزارتىلماق.

“The Qazaq Times”