فوتو: cdn.dvidshub.net

اقش قورعانىس مينيسترلىگىنىڭ رەسمي وكىلى بولىپ چارلز ساممەرس تاعايىندالدى.

چارلز ساممەرس بىلتىر قىزمەتىن اسىرا پايدالانعانى ءۇشىن باسى داۋعا قالعان دانا ۋايتتىڭ ورنىنا كەلدى. ساممەرس قىزمەتىنە پەنتاگون باسشىسىنىڭ مىندەتتەرىن ۋاقىتشا اقتارۋشى پاتريك شاناحانمەن بىرگە كىرىستى.

جەلتوقساندا ەكس-مينيستر دجەيمس مەتتيس ءوز ەركىمەن وتستاۆكاعا كەتەتىنىن مالىمدەگەن بولاتىن. بۇعان قاتىستى اق ءۇي باسشىسى دونالد ترامپ ءوزىنىڭ Twitter پاراقشاسىندا: «اقپاننىڭ سوڭىندا مەنىڭ اكىمشىلىك قىزمەتىمدە قورعانىس ءمينيسترى بولعان گەنەرال مەتتيس زەينەتكە شىعادى. مەتتيس بۇل ورىنعا وتىرعالى العا جىلجۋ قارقىندى تۇردە ءجۇرىپ وتىردى. اسىرەسە، جاڭا اسكەري قوندىرعىلاردى ساتىپ الۋ باعىتىن ەرەكشەلەي كەتكەن ءجون»،– دەگەن. مالىمەتتەر بويىنشا، مەتتيستىڭ وتستاۆكاعا كەتۋىنە دونالد ترامپتىڭ سۇرياداعى امەريكا اسكەرىن شىعارۋ تۋرالى شەشىمى ىقپال كەتكەن.

"The Qazaq Times"