جاپونيانىڭ ساپپورو قالاسىندا ءوتىپ جاتقان، VIII قىسقى ازيادا ويىندارىندا قازاقستان مەدال سانى بويىنشا ۇزدىك ۇشتىككە دە ىلىگە المادى. بۇل تۋرالى vesti.kz حابارلايدى.
20 اقپان كۇنى قازاقستان قورجىنىنا جالعىز-اق جۇلدە سالىنعان. شاڭعىشىمىز ەلەنا كولومينا سپرينت (كلاسسيكا، 1,4 كم) ءتۇرى بويىنشا ەكىنشى ورىن الىپ، ەلىمىزگە العاشقى جۇلدە سىيلاعان بولاتىن. ازىرگە ەكى كۇننىڭ ناتيجەسى بويىنشا، جالپى ەسەپتە 14 جۇلدە (5 التىن، 3 كۇمىس، 5 قولا) يەلەنگەن وڭتۇستىك كورەيا كوش باستاپ تۇر. ودان كەيىنگى ورىندا 12 جۇلدەمەن (3-5-4) جاپوندىقتار تۇر. ال ءۇشىنشى ورىنعا 9 مەدالمەن (3-3-3) قىتاي ەلى تۇراقتاعان.
ەسكە سالا كەتەيىك، VIII قىسقى ازيادا ويىندارى جاپونيالىق ساپپورو قالاسىندا 19-26 اقپان ارالىعىندا وتەدى. سپورتشىلار سپورتتىڭ 11 تۇرىنەن جارىسىپ، 64 مەدال ءۇشىن سىنعا تۇسپەك.
VII قىسقى ازيادا ويىندارىنىڭ 2011 جىلى استانا مەن الماتى قالالارىندا وتكەندىگىن ايتا كەتەيىك. ول كەزدە قازاقستان جالپى ەسەپتە 32 مەدال يەلەنىپ، ءبىرىنشى ورىن العان.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى