گرەكيادا فەتحۋللا گۇلەن جاقتاستارىنا بايلانىستى سوت ءىسى جالعاسۋدا

2016 جىلدىڭ 15 شىلدەسىندە تۇركيادا توڭكەرىس جاساۋعا تىرىسقان فەتحۋللا گۇلەننىڭ جاقتاستارىنا بايلانىستى گرەكيادا سوت ءىسى جالعاسىپ جاتىر.

قازىرگى تاڭدا گرەكيا پروكۋراتۋراسى تەررورلىق ۇيىم دەپ تانىلعان گۇلەن مۇشەلەرىن قاتاڭ باقىلاۋعا الىپ، ءومىر بويعى باس بوستاندىعىنان ايىرۋ جازاسىپ تالاپ ەتىپ وتىر. پروكۋراتۋرانىڭ قارا تىزىمىنە ەنگەن 11 ادامنىڭ ۇكىمى بولاشاقتا انىقتالادىن بولادى. بۇدان بولەك، گرەك پروكۋراتۋراسى تاعى دا 8 ادامنىڭ ەسىمىن جەكە قاراۋعا شاقىرىپ وتىر.

2016 جىلدىڭ 15-ءشى شىلدەسىندە فەتۋللا گۇلەن ءوزىنىڭ جاقتاستارىمەن تۇركيا ەلىندەگى اسكەري توڭكەرىس جاساعىسى كەلدى دەپ ايىپتالعان بولاتىن. الايدا، 1999 جىلدان بەرى اقش-تا تۇرىپ كەلگەن گۇلەن بۇل ىسكە ەشقانداي قاتىسى جوق ەكەندىگىن مالىمدەگەن.

الەمنىڭ 150-دەن استام ەلىندەگى 1000-نان استام ءبىلىم وردالارىن قارجىلاندىرىپ وتىرعان فەتحۋللا گۇلەن، ەڭ ۇلكەن تەررورلىق ۇيىمداردىڭ بىرىنە باسشىلىق ەتىپ وتىرعاندىعى تۋرالى اقپاراتتار جەتەرلىك. سونىمەن قاتار،  گۇلەن باسقاراتىن «حيزمەت» ۇيىمىنا ميلليونداعان ادام مۇشە.

تۇركيا پرەزيدەنتى رەجەپ تايىپ ەردوعان اقش بيلىگىنە بىرنەشە مارتە تەرروريستىك ۇيىمنىڭ باسشىسىن تۇركيا مەملەكەتىنىنە تاپسىرىپ، ءادىل جازالانۋىن تالاپ ەتكەن بولاتىن. الايدا، اقش تاراپىنان قانداي دا ءبىر وڭ ناتيجە كورىنەر ەمەس.

"The Qazaq Times"