كولۋمبيا قاۋىپسىزدىك كۇشتەرى "گۋاچو" ەسىمىمەن بەلگىلى قىلمىسكەردىڭ كوزىن جويدى

كولۋمبيا قاۋىپسىزدىك كۇشتەرى عاRC لاقاپ اتىمەن بەلگىلى بولعان رەۆوليۋتسيالىق اسكەري ۇيىمى كوشباسشىلارىنىڭ ءبىرى ۆالتەر اريزالانىڭ كوزىن جويدى.

اريزالا كولۋمبيا بيلىگىمەن بىتىمگە كەلۋدەن باس تارتقان قارۋلى توپتىڭ باسشىسى بولعان. سونىمەن بىرگە ەكۆادوردىڭ ءۇش ازاماتىنىڭ ولىمىنە قاتىسى بار دەگەن ايىپ تاعىلعان بولاتىن. ونىڭ ىشىندەگى ەكەۋى ەكۆادور مەملەكەتىنىڭ جۋرناليستەرى بولعان.

«گۋاچو» قۇپيا ەسىمىمەن تانىس اريزالاعا كولۋمبيا جانە ەكۆادور ەلدەرىندە ەڭ قاۋىپتى قىلمىسكەر رەتىندە ىزدەۋ جاريالانعان. سونىمەن قاتار، قارۋلى توپتىڭ كوشباسشىسى ايماقتارداعى ەسىرتكى ساۋداسىنا قاتىسى بار ەكەندىگى دە انىقتالىپ وتىر.

كولۋمبيا پرەزيدەنتى يۆان دۋكە «گۋاچونىڭ» كولۋمبيا قاۋىپسىزدىك كۇشتەرىمەن قاقتىعىس كەزىندە قازا تاپقاندىعىن مالىمدەدى.

ەستەرىڭىزگە سالا كەتەيىك، 2016 جىلى كولۋمبيا بيلىگى مەن FARC ۇيىمىنىڭ اراسىندا بەيبىت كەلىسىم ورىن العان. قوس تاراپتىڭ قاقتىعىستارىنىڭ اسەرىنەن وسى ۋاقىتقا دەيىن 200 مىڭنان استام ادام قۇربان بولعان.

“The Qazaq Times”