فوتو: www.e-news.su

فرانتسيا ءسۇريادا تەرروريزمگە قارسى كۇرەستى جالعاستىراتىن بولدى. بۇل تۋرالى فرانتسيا ءسىم مالىمدەدى.

فرانتسيانىڭ ەۋروپالىق ىستەر بويىنشا ءمينيسترى ناتالي لۋازو سودىرلارمەن كۇرەستى جالعاستىرا بەرۋ كەرەكتىگىن ايتتى. ول ءوز سوزىندە: «يسلام مەملەكەتى» سىندى ۇيىمدار جەر بەتىنەن تولىقتاي جويىلىپ كەتكەن جوق جانە ناتو ەلدەرى ءۇشىن قاۋىپسىزدىك ماسەلەسى الدىڭعى ورىندا. ستراسبۋرگتە ورىن العان جاعداي دا سونىڭ ايقىن دالەلى»، – دەدى. 2015 جىلى پاريجدە ورىن العان ءىرى تەراكتىدەن كەيىن، فرانتسيادا قاۋىپسىزدىك شاراسى بارىنشا كۇشەيتىلگەن.

ەسكە سالا كەتەيىك، سارسەنبىدە اقش پرەزيدەنتى دونالد ترامپ ءوزىنىڭ «Twitter» پاراقشاسىنا «يسلام مەملەكەتى» ەكسترەميستىك توبىنىڭ كۇيرەگەنىن» جانە «اقش اسكەرىنىڭ ءسۇريادا قالۋىنىڭ جالعىز سەبەبى يم-ءدى جەڭۋ» ەكەندىگىن جازعان بولاتىن. 19 جەلتوقساننان باستاپ اقش ءوز اسكەرىن ءسۇريادان شىعارا باستادى.

"The Qazaq Times"