فوتو: You Tube

اقش پرەزيدەنتى دونالد ترامپ وزبەكستان «ەكس-حانشايىمى» گۇلنارا كارىموۆاعا سالىنعان سانكتسيالار مەرزىمىن ۇزارتتى.

اق ءۇي ءباسپاسوز قىزمەتى تاراتقان مالىمەت بويىنشا، پرەزيدەنت دونالد ترامپ وزبەكستان ەكس-پرەزيدەنتىنىڭ ۇلكەن قىزى گۇلنارا كارىموۆا مەن رەسەي باس پروكۋرورىنىڭ ۇلى ارتەم چايكاعا سالىنعان سانكتسيالار مەرزىمىن تاعى ءبىر جىلعا سوزۋعا بايلانىستى جارلىققا قول قويعان.

جارلىقتا: «ادام قۇقىعى مەن جەمقورلىق ماسەلەلەرىنە بايلانىستى زاڭ بۇزۋشىلىقتاردىڭ جيىلەۋىنە بايلانىستى №13818 جارلىعىنىڭ مەرزىمىن تاعى ءبىر جىلعا سوزۋعا شەشىم شىعارىلدى» - دەلىنگەن.

2017 جىلدىڭ 21 جەلتوقسانىندا اقش پرەزيدەنتى دونالد ترامپ گۇلنارا كارىموۆا، ارتەم چايكا جانە ۋكراينا ارنايى جاساعىنىڭ ەكس-باسشىسى سەرگەي كۋسيۋكقا قارسى سانكتسيا سالىپ، ەل اۋماعىنا كىرۋگە ۆيزالىق شەكتەۋ قويعان.

"The Qazaq Times"