پالەستينا ازاتتىق قوزعالىسىنىڭ قۇرىلعانىنا 51 جىل. فوتو: This Week in Palestine,

پالەستينا ازاتتىق قوزعالىسى ءيزرايلدىڭ باتىس شەرياداعى ارەكەتتەرىنە جاۋاپ قايتارۋ ماقساتىندا شۇعىل ۇلتتىق جينالىسقا شاقىردى. بۇل ۇلتتىق جينالىس پالەستينا ازاتتىق قوزعالىسىنىڭ قۇرىلعانىنا 51 جىل تولۋىنا وراي دەكلاراتسيا جاريالاعان.

دەكلاراتسيادا يزرايل وتارشىلدىعى تۇتاس پالەستينالىقتاردى نىساناعا العانىن، بۇعان قارسى بارلىق پالەستينا ازاماتتارىنىڭ ءوز كەلىسپەۋشىلىگىن بىلدىرۋگە شاقىرعان. ءارى، ءيزرايلدىڭ پالەستينا جەرىندەگى بارلىق زاڭسىز ارەكەتتەرىن ساتسىزدىككە ۇشىراتۋعا ۇندەگەن. ايتالىق، باتىس شەرياداعى ءيزرايلدىڭ جاۋلاۋ ارەكەتتەرىنە قارسى تۇرۋعا شاقىرادى.

گازا سەكتورىندا پالەستينا ازاتتىق قوزعالىسىنىڭ قۇرىلعانىنا 51 جىل تولۋىنا بايلانىستى شەرۋ ۇيىمداستىرىلدى. شەرۋگە قاتىسقاندار پالەستينا ازاتتىق قوزعالىسىنىڭ تۋىن كوتەرىپ، پالەستينا ازاتتىعى ءۇشىن كۇرەسۋ ۇراندارىن تاستادى.

بۇل ۇيىم اراب ۇلتشىلدارى جاعىنان 1967 جىلى قۇرىلعان. سودان بەرى پالەستينانىڭ وتارلانۋىنا، بولشەكتەنۋىنە قارسى كۇرەسىپ كەلەدى.  

“The Qazaq Times”