ۇلىبريتانيانىڭ حەرەفورد قالاسىندا تۇراتىن جەتى جاسار حلويا بريدجۋوتەر  Google ديرەكتورىنا، ءوزىن جۇمىسقا الۋىن ءوتىنىپ، حات جولداعان. بۇل تۋرالى afigenchik.ru حابارلايدى.

قاڭتار ايىنىڭ ورتاسىندا 1000 كىتاپ وقىعان 4 جاسار قىز تۋرالى ماتەريالىمىزدى ۇسىنعان ەدىك. ال وسى جولى نەبارى جەتى جاسار قىز الەمدىك رەيتينگىدە ءبىرىنشى ورىندا تۇرعان Google  كومپانياسىناان جۇمىس سۇراپ حات جولداعان. حاتىندا بريدجۋوتەر باسسەيندە جۇزۋمەن قىزىعاتىندىعىن، روبوتتار كوللەكتسياسىن جينايتىندىعىن، وقۋ ۇلگەرىمىنىڭ جاقسى ەكەنىن جانە بولاشاقتا Google كومپانياسى جۇمىسقا الادى دەپ ۇمىتتەنەتىندىگىن جازعان.

فوتو: afigenchik

ارادا 2 اپتا وتكەننەن كەيىن جەتى جاسار قىزعا سۋندارا ءپيچايدىڭ (Google  كومپانياسىنىڭ بۇرىنعى ديرەكتور)وزى جاۋاپ جىبەرگەن:

«سەنىڭ كومپيۋتەرلەرگە قىزىعاتىندىعىڭ مەنى قۋانتادى. وسى قالپىڭنان اينىماي، ىزدەنىسىڭدى جالعاستىرا بەر. وسى قارقىنمەن وقىپ، ەڭبەكتەنەتىن بولساڭ، ءبىزدىڭ كومپانيانىڭ قىزمەتكەرى عانا ەمەس، وليمپيادا چەمپيونى بولۋىڭا دا بولادى. دەسە دە، مەكتەپ بىتىرگەننەن كەيىن دە وسىنداي حات جىبەرەدى دەگەن ۇمىتتەمىن».

فوتو: afigenchik

ايتا كەتەيىك، Google — امەريكا قوعامدىق كورپوراتسياسىنا تيەسىلى كەڭەيتىلگەن ىزدەۋ جۇيەسى. تانىمالدىعى بويىنشا ءبىرىنشى ورىندا تۇرعان كومپانيا ايىنا 41 ملرد 345 ملن سۇرانىس قابىلدايدى (نارىق بولىگى 62,4 %), 25 ميللياردتان استام ۆەب-بەتتەردى يندەكستەيدى، (2009 جىلدىڭ 15 قازانىنان باستاپ) اقپاراتتاردى 191 تىلدە ىزدەۋ مۇمكىندىگىنە يە. اتالمىش كومپانيا كەز كەلگەن ادامدى جۇمىسقا المايتىنى بەلگىلى جانە ءوز قىزمەتكەرلەرىنە قويىلاتىن وزىندىك  تالاپتارى بار. مىسالى، ەڭبەكقورلىق، كرەاتيۆتى بولۋ جانە ادەتتەن تىس ويلاي ءبىلۋ، بىرنەشە ءتىل بىلەتىن جانە جوعارى تەحنولوگيالارىڭ، كومپيۋتەرلەردىڭ ءتىلىن جەتىك ءبىلۋ.

«The Qazaq Times»