تەل-اۆيۆ فوتو: aa.com.tr

تەل-اۆيۆ قالاسىندا  نازىك جاندىلار زورلىق-زومبىلىققا قارسى نارازىلىق شەرۋگە شىقتى. يزرايل ەلىنىڭ ءباسپاسوز قىزمەتىنىڭ مالىمەتى بويىنشى، ءتۇرلى جاعدايدا قىسىمعا ۇشىراعان ايەلدەردىڭ قاۋىپسىزدىگىن ارتتىرۋ ءۇشىن وتىز مىڭنان استام تۇرعىن قولدارىنا پلاكات ۇستاپ، وزدەرىنىڭ قارسىلىقتارىن بىلدىرگەن. ونىڭ باسىم بولىگى نازىك جاندىلاردان قۇرىلعان.

قاۋىپسىزدىك ۇيىمىنىڭ مالىمەتى بويىنشا، جىل سايىن يزرايل ەلىندە اراب ايەلدەرى ءارتۇرلى زورلىق-زومبىلىقتارعا كەزىگەدى. اعىمداعى جىلدىڭ باسىنان بەرى 24 ايەلدىڭ زورلىق وقيعاسى تىركەلگەن.

ەستەرىڭىزگە سالا كەتەيىك، BBC ارناسى 2018 جىلداعى ءبىر كۇندى تاڭداپ الىپ، الەمدەگى وسىنداي كەلەڭسىز وقيعالاردى زەرتتەپ كوردى. ناتيجەسىندە ءبىر عانا 1 قازان كۇنى الەمنىڭ 27 ەلىندە 47 ايەل زورلىق-زومبىلىق ارەكەتىنەن كوز جۇمعان.

بۇۇ تارابى اتالعان مالىمدەمەدە، قاۋىپسىزدىك قىزمەتكەرلەرىنىڭ كوپ جاعدايدا ايەلدەردىڭ قاستاندىقپەن كوز جۇمعانىنان حابارسىز قالىپ جاتاتىنىن ايتادى. دەمەك، مۇنداي قىلمىستار رەسمي ستاتيستيكادان الدە قايدا كوپ بولۋى مۇمكىن.

“The Qazaq Times”