ناتو ءسىم باسشىلارى باس قوسپاق. فوتو; Ukrinform.

ناتو-عا مۇشە ەلدەردىڭ سىرتقى ىستەر مينيسترلەرى باس قوسقان جيىنعا، رەسەيدىڭ دە سىرتقى ىستەر وكىلدەرى قاتىسپاق. بۇل ايرىقشا جيىن بەلگيا استاناسى بريۋسسەلدە بۇگىن باستالىپ كەتپەك.

بۇل باسقوسۋدىڭ وزگەشەلىگى حالىقارالىق بىرقاتار ماڭىزدى كەلىسىمدەردى تالقىعا سالادى. ونىڭ اراسىندا اقش پەن كەڭەس وداعى اراسىنداعى كەلىسىمدەر دە بار. ايتالىق، كەڭەس وداعى-اقش اراسىندا 1987 جىلى قول قويىپ، كەڭەس وداعى ىدىراعاننان كەيىن رەسەي مەن اقش ورتاسىندا بەكىتىلگەن INF كەلىسىمى  جينالىستىڭ ەڭ باستى تاقىرىبى بولماق.

ناتو مۇشەلەرىنىڭ سىرتقى ىستەر مينيسترلەر باس قوسۋى تۋرالى مالىمدەمە جاساعان ۇيىمنىڭ باس حاتشىسى ستولتەنبەرگ، رەسەيدىڭ جاڭا زەرتتەپ جاساپ ورناتقان زىمىرانى ناتو مۇشەلەرىن قاتتى الاڭداتىپ وتىرعانىن جەتكىزدى. «رەسەيدىڭ بۇل زىمىرانى ەۋروپا قالالارىنا دەيىن جەتەدى. رەسەي مەن اقش اراسىنداعى كەلىسىمدى اقش تولىق ورىنداپ وتىر. ەۋروپادا اقش زىمىراندارى ورناتىلماعان، ال رەسەي زىمىرانى بار»، – دەدى يەنس ستولتونبەرگ.

“The Qazaq Times”