ينگۋشەتيادا وپپوزيتسيا بەلسەندىسى قاماۋعا الىندى

ينگۋشەتيادا وپپوزيتسيا بەلسەندىسى ماگومەد حازبيەۆ ەكى جىلعا باس بوستاندىعىنان ايىرىلدى.

ماگاس اۋداندىق سوتى بەلسەندىگە حالىقتى ينگۋشەتيا باسشىسى يۋنۋس-بەك ەۆكۋروۆقا قارسى ايداپ سالدى، بيلىككە، قۇقىق قورعاۋ ورگاندارىنا قارسى «وشپەندىلىك تۋعىزدى» جانە زاڭسىز قارۋ-جاراق ساقتادى دەپ ايىپتادى. سونىمەن قاتار، 50 مىڭ رۋبل كولەمىندە ايىپپۇل سالدى. الايدا، وپپوزيتسيونەر وزىنە تاعىلعان ايىپتى تولىعىمەن موينىنا العان جوق. ول قاۋىپسىزدىك قىزمەتىنىڭ وكىلدەرى ءوز قالتاسىنا وق-ءدارى سالىپ جىبەرگەنىن ايتادى.

ينگۋشەتيادا بيلىكتىڭ قۋدالاۋىنا ۇشىراعان ماگومەد حازبيەۆ 2014 جىلى ۋكراينانىڭ ەۋروپا وداعىمەن ينتەگراتسيالانۋىن تالاپ ەتكەن دەمونسترانتتارعا قولداۋ بىلدىرۋگە كيەۆكە بارعان. ينگۋشەتيا ۇكىمەتى مەن رەسەي پرەزيدەنتى ۆلاديمير ءپۋتيندى تالاي رەت سىناعان وپپوزيتسيونەر ءبىراز ۋاقىت كولەمىندە «پارناس» پارتياسىندا توراعالىق قىزمەتتە بولعان.

"The Qazaq Times"