IRNA

اۋعانستان جەرىندەگى اقش پەن ناتو كۇشتەرىنە باعىتتالعان شابۋىلدار جيىلەي ءتۇستى. ءبىر كۇن بۇرىن گازنا پروۆينتسياسىنداعى بولعان شابۋىلدا امەريكالىق 3 جاۋىنگەر قازا تاپقان.

ناتو مالىمەتىنە قاراعاندا، شابۋىل جول شەتىنە ورناتىلعان بومبا ارقىلى جاسالعان. 3 ادام قازا بولىپ، 3 ادام جاراقات العان. ناتو كۇشتەرى، 24 ساعاتقا دەيىن جاۋىنگەرلەردىڭ اتى-ءجونى مەن جەكە باسىنا قاتىستى ينفورماتسيالاردى جاريا ەتپەيتىنىن بىلدىرگەن.

مالىمەتتە، شابۋىل جاساۋشىلار تاليبان قارۋلى توپتارى ەكەنى ايتىلعان. قازىر تاليبان كۇشتەرى اقش قولداۋىنداعى ۇكىمەت كۇشتەرى مەن امەريكالىق اسكەري تۇراقتارعا شابۋىلدارىن جيىلەتە ءتۇستى. ونىسى ەل تۇرعىندارىنا وزدەرىنىڭ كۇش-قۋاتىن كورسەتۋ ءۇشىن جاسالعان دەلىنەدى. دەگەنمەن، قۇراما شتات پەن اۋعانستان ۇكىمەتى تالىپتەردى كەلىسسوزگە شاقىرىپ كەلەدى.

“The Qazaq Times”