وڭتۇستىك كورەيا كيم جوڭ ۋننىڭ سەۋل ساپارىن ۇيىمداستىرۋعا كۇش سالۋدا

وڭتۇستىك كورەيانىڭ بىرىگۋ مينيسترلىگىنىڭ وكىلى كەشە جاساعان مالىمدەمەسىندە، وڭتۇستىك كورەيا تارابى ەكى كورەيا اراسىنداعى كەلىسىمدى بىرتىندەپ جۇزەگە اسىرۋعا تىرىسۋدا. وسى باعىتتاعى ءبىر قاتار قۇلشىنىستاردىڭ ىشىنە جىل سوڭىنا دەيىن سولتۇستىك كورەيا باسشىسى كيم جوڭ ۋننىڭ وڭتۇستىك كورەياداعى رەسمي ساپارمەن كەلۋىن ۇيىمداستىرۋ ءىسى دە كىرەدى.

ەكى كورەيا بيىل قىركۇيەكتە ءۇشىنشى رەتكى «ءمۇن-كيم كەلىسسوزى» كەزىندە كيم جوڭ ۋننىڭ وڭتۇستىك كورەياعا ساپارى سەكىلدى بىرقاتار كەلىسىمدەرگە قول جەتكىزگەن بولاتىن. الايدا، اقش-كحدر اراسىنداعى يادرولىق قارۋسىزدانۋ ماسەلەسىنىڭ كەلىسسوزدەرىنە بايلانىستى كيم جوڭ ۋننىڭ ساپارى كەيىنگە قالدىرىلدى.

جاقىندا اقش-كحدر ارا-قاتىناسىندا وڭ دامۋ بولدى. وتكەن اپتادا قۇراما شتات ءوز ازاماتتارىن بوساتقانى ءۇشىن سولتۇستىك كورەياعا ريزاشىلىعىن ءبىلدىردى. سولتۇستىك كورەيا تارابى اقش ازاماتى لورەنتس ورتالىق بارلاۋ اگەنتتىگىنىڭ اگەنتتى ەكەنىن، سولتۇستىك كورەيا تەرريتورياسىنا زاڭسىز كىرگەنىن ايتقان ەدى. يادرولىق قارۋسىزدانۋ ماسەلەسى بويىنشا كەلىسسوزدەر ءوز دەگەنىنە جەتپەگەنىمەن، اقش پەن سولتۇستىك كورەيا كوپ ماسەلەدە تۇسىنىستىك تاۋىپ، جاقىنداسىپ كەلەدى.

ەگەر جىل سوڭىنا دەيىن كيم جوڭ ۋن وڭتۇستىك كورەياعا رەسمي ساپار جاسايتىن بولسا، وندا بۇل تاريحتا العاش رەت سەۋلگە رەسمي ساپارمەن كەلگەن كحدر باسشىسى بولىپ قالماق. ساۋىردە، ەكى ەل اراسىنداعى قارۋسىزداندىرىلعان ايماق پانمىنجومدا تۇستىك جانە تەرىستىك كورەي مەملەكەتتەرىنىڭ باسشىلارى العاش رەت كەزدەستى. دەگەنمەن، كورەي تۇبەگىندەگى سوعىستان بەرى قاراي كورەي حالىقتىق دەموكراتيالىق رەسپۋبليكاسىنىڭ باسشىسى سەۋلگە ساپار جاساماعان.

“The Qazaq Times”