قازاقستان سىرتقى ىستەر ءمينيسترى قايرات ءابدىراحمانوۆ استانادا وتەتىن سءۇريا بەيبىت كەلىسسوزىنە اقش باقىلاۋشىلارى كەلمەيتىنىن ايتتى. 28-29 قاراشادا وتەدى دەپ جوسپارلانعان كەلىسسوزگە سءۇريا ۇكىمەتى مەن وپپوزيتسياسىنىڭ وكىلدەرى شاقىرىلعان.
ءابدىراحمانوۆتىڭ سوزىنشە، كەلىسسوزدىڭ كۇن تارتىبىندە "يسلام مەملەكەتى" (يم) ەكسترەميستىك ۇيىمىمەن كۇرەس ماسەلەسى ەنگىزىلمەگەن.
"مەنىڭ بىلەتىنىم، اقش تەررورلىق توپتارمەن، ەڭ الدىمەن يسلام مەملەكەتىمەن كۇرەس ماسەلەسىنە كوبىرەك كوڭىل بولۋدە. بۇل ماسەلە كەلىسسوزدىڭ كۇن تارتىبىنە ەنگىزىلمەگەن" دەدى ءابدىراحمانوۆ. ءمينيستردىڭ سوزىنشە، كەلىسسوزدە كەپىل ەلدەر - رەسەي، يران جانە تۇركيا ءسۇريانىڭ يدليب پروۆينتسياسىنداعى جاعدايدى تالقىلاماق.
"بۇل پروۆينتسيا دەەسكالاتسيا ايماعى دەپ جاريالانعان ءتورت ايماقتىڭ ءبىرى. بۇدان وزگە، كەپىل ەلدەر بوسقىنداردى ەلىنە قايتارۋعا جاعداي جاساۋ جانە داعدارىستان كەيىنگى ءسۇريانى قالپىنا كەلتىرۋگە قاتىستى ماسەلەلەردى تالقىلاماق" دەدى ءابدىراحمانوۆ.
ءسۇريا كەلىسسوزىنىڭ بۇعان دەيىنگى راۋندى استانادا 14-15 مامىر كۇندەرى وتكەن. ول كەزدەسۋ قورىتىندىسىندا يران، رەسەي جانە تۇركيا ورتاق مالىمدەمە جاساعان. وندا ءسۇريانىڭ تاۋەلسىزدىگى، بىرلىگى مەن اۋماقتىق تۇتاستىعىن ساقتاۋدىڭ 2017 جىلدىڭ 4 مامىرىندا قابىلدانعان دەەسكالاتسيا ايماعىن قۇرۋ تۋرالى مەموراندۋم جانە استاناداعى كەلىسسوزدەر بارىسىندا كەلىسىلگەن وزگە دە قۇجاتتاردى جۇزەگە اسىرۋدىڭ ماڭىزدىلىعى ايتىلعان. بۇل كەلىسسوزدەن كەيىن سوچيدە جانە انكارادا ەكى كەزدەسۋ وتكەن.
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان