وكتاي تۇرىك وكىلدەرىن باستاپ، جينالىستان شىعىپ كەتتى. فوتو: انادولى.

تۇركيا تارابى يتاليادا وتكەن ليۆيا تاقىرىبىنداعى جينالىستى تاستاپ شىعىپ كەتتى. اتالعان جينالىسقا تۇركيا دەلەگاتسياسىن ۆيتسە-پرەزيدەنتى فۋات وكتاي باستاپ بارعان بولاتىن. بۇل تۋرالى تۇركيالىق «انادولى» اقپاراتتىق اگەنتتىگى حابارلادى.

فۋات وكتاي بۇل تۋرالى جاساعان مالىمدەمەسىندە: «تۇركيانى رەنجىتكەنى ءۇشىن ءبىز جينالىستان كەتۋگە شەشىم قابىلدادىق»، – دەگەن. ول جانە: « جينالىس بارىسىندا كەيبىر تاراپتار بەيرەسمي كەزدەسۋلەر وتكىزىپ، وزدەرىن جەرورتا تەڭىزىنىڭ قوجاسى رەتىندە جاريالادى. تۇركيا مۇددەسىنە زيان كەلتىرەتىن بۇنداي باستاماعا ءبىز قاتاڭ قارسىلىق بىلدىرەمىز. تۇركيانىڭ مۇددەسى تاپتالعان مۇنداي جينالىسقا ءبىز قاتىسا المايمىز»، – دەگەن.

وكتاي حالىقارالىق ۇيىمدى بىرلىك جاعىندا بولمادى دەپ سىنعا العان. ونىڭ ايتۋىنشا، يتاليانىڭ قوناق يەسى رەتىندە ليبياعا ءبىر تاراپتى كيلىگۋگە جول بەرگەن. وعان قوسا، كەيبىر ەلدەردىڭ ليۆيا پروتسەسىن ءوز مۇددەسىنە بۇرمالاعانىن ايىپتاپ: «ليۆياعا شەتەلدىكتەردىڭ كوپ كيلىكپەۋى كەرەك»، – دەپ ەسكەرتكەن.

تۇركيا ۇكىمەتى ليۆيادا تۇراقتىلىق ورناتۋدى تاقىرىپ ەتكەن كەلىسسوزدەن باس تارتقانىمەن، ليۆيا تاقىرىبىندا ايماقتاعى باستى ويىنشىلارمەن جەكەلەگەن كەلىسسوز وتكىزۋگە دايىن ەكەندىگىن  ءبىلدىردى. تۇركيا ايماقتاعى وزگە ويىنشىلاردى ليۆياداعى تۇراقسىزدىقتىڭ باستى جاۋاپكەرى رەتىندە اتايدى.

“The Qazaq Times”